Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> جمڻ والے بال دی جنس جانڻ لئی بلڈ ٹیسٹ بہت بھروسے جوگ ہے

جمڻ والے بال دی جنس جانڻ لئی بلڈ ٹیسٹ بہت بھروسے جوگ ہے

وچار ڈیسک
August 11th, 2011
5 / 5 (1 Votes)

سائنسداناں دا کہڻا ہے پئی حاملہ زنانی دے ٹیسٹ نال بال دی جنس سو فیصدی صحیح پتہ کیتی جاسکدی ہے۔ کئی ملکاں وچ بال دی جنس پتہ کرن دے ٹیسٹ ویچے جارہے نیں اوہناں وچ برطانیہ وی رلتی ہے۔

پر حالی تیکر ایس گل دی پڻ چھاڻ نہیں کیتی گئی سی پئی ایہہ ٹیسٹ کنے بھروسے جوگ ہوندے نیں۔

امریکی سائنسداناں نے چھ ہزار خون دے ٹیسٹ نوں پرکھیا تے ایہدے توں پتہ لگیا پئی بال دی جنس دسڻ وچ ایہہ ٹیسٹ اٹھانوے فیصد ٹھیک ہوندے نیں پر شرط ایہہ ہے جو ایہہ ٹیسٹ حاملہ ہوڻ دے ست ہفتیاں توں مگروں کیتے جاڻ۔

امریکن میڈیکل ایسوسی ایشن موجب ستاں ہفتیاں توں پہلوں جے ایہہ ٹیسٹ کرایا جاوے تے ایہدے سٹے پکے نہیں ہوندے ۔ سائنسداناں دا کہڻا ہے پئی حاملہ عورت دے پیشاب نال بال دی جڻس پتہ کرنا اُکا ٹھیک نہیں ہے۔

چیتے رہوے پئی الٹرساؤنڈ نال بال دی جنس بارے حاملہ ہوڻ دے باراں ہفتیاں توں مگروں پتہ لگ سکدا ہے تے اوہ جوڑا جیہڑا طبی کارناں پاروں ایہہ پتہ کراؤڻا چاہوندا ہے پئی ہوڻ والے بال دی جنس پتہ ہووے اوہناں لئی باراں ہفتے اُڈیکڻا بہت لما چر ہے۔

پر نکھیدی کرڻ والے کہندے نیں جو ایس بلڈ ٹیسٹ نال اسقاط حمل وچ وادھا ہووے گا کیوں جو جوڑے جنس پتہ کراؤڻ توں مگروں ایہہ فیصلہ کرسکدے نیں پئی بال چاہی دا یاں نہیں۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels