Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> دل دے روگیاں لئی اکلاپا وی خطرناک ہوسکدا ہے

دل دے روگیاں لئی اکلاپا وی خطرناک ہوسکدا ہے

وچار ڈیسک
August 8th, 2011

دل دا روگ جان لیڻ والا تے ہے، پر دل دا دورہ پیڻ توں مگروں روگی اکلا رہوے تے چواں سالاں وچ موت دا خطرہ کِتے ودھ سکدا ہے۔ ایہہ گل اک نویں کھوج وچ ساہمڻے آئی ہے۔

امریکن جرنل آف کارڈیولوجی وچ چھاپے جاڻ والی رپورٹ وچ کہیا گیا ہے جو دل دا دورہ پیڻ دے اک سال وچ اکلے تے خاندان نال رہڻ والے، دوہواں طرحاں دے مریضاں لئی موت دا خطرہ بروبر ہے۔ پر چار سال لنگھ جاڻ تے اکلے رہڻ والے مریضاں لئی ایہہ خطرہ پینتی فیصد ودھ جاندا ہے۔

ایس کھوج موجب دل دا دورہ پیڻ توں مگروں مریض نوں گھر تے سپورٹ نہ ملے تے وی اک سال وچ اوہدی صحت تے بھیڑے اثر پے سکدے نیں۔

ییل اسکول آف میڈیسن دی پڑھیار کہندیاں نیں: '' دل دا دورہ پیڻ توں مگروں مریض نوں سوشل سپورٹ دیڻ تے اُچیچا گوہ کیتا جاڻا چاہی دا ۔''

بھاویں ایس کھوج نال ایہہ ثابت نہیں ہوندا پئی اکلاپا مریض دی ویلے توں پہلوں موت دا کارن ہے، پر کھوجیاں دی ٹیم نے اکلے تے خاندان دے نال رہڻ والے مریضاں وچکار پائے جاڻ والے فرق تے زور دتا ہے، جیہناں وچ اوہناں دی جنس، نسل تے ازدواجی حیثیت وغیرہ رلتی نیں۔

دوجے پاسے دل دی ماہر Sharonne Hayes کہندیاں نیں پئی ایہہ فرق بڑا اہم ہے کیوں جو ایہدے نال مریض دی صحت تے لاہ چڑھا ہوسکدا ہے جدوں کہ موت دا خطرہ وی گھٹ یاں بہتا ہوسکدا ہے۔

اوہناں دا کہڻا ہے :'' خاندان دے نال تے اکلے رہڻ والے روگیاں وچکار کجھ مڈھلے فرق نیں۔ انج تسیں مالٹے دا مقابلہ سیب نال کر رہے نیں۔''
ایس توں اڈ کجھ طبی مطالعیاں وچ ایہہ گل ساہمڻے آ گئی ہے پئی ڈوہنگا سماجی رابطہ صحت تے اثر پاسکدا ہے۔ کجھ پڑھتاں دے سٹے وچ ایہہ وی کہیا گیا ہے پئی پالکی جانور وی جیون دا پج ہوسکدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels