Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> تاریخ دے سب توں وڈے 'سائبر دھاڑے ' دا بھیت کھل گیا

تاریخ دے سب توں وڈے 'سائبر دھاڑے ' دا بھیت کھل گیا

وچار ڈیسک
August 4th, 2011

سکیورٹی ماہراں نے تاریخ دے سب توں وڈے سائبر دھاڑیاں دی سوں کڈھی ہے، جیہدے راہیں اقوام متحدہ سڻے72 اداریاں نوں نشانہ بڻایا گیا سی۔

انج سائبر سکیورٹی کمپڻی میک ایفی نے ہڻ تیکر سب توں وڈے سائبر دھاڑیاں دی سوں کڈھی ہے، جیہدے راہیں اقوام متحدہ سڻے سارے جگ دے بہت ہی اُچیچے 72 اداریاں نوں نشانہ بڻایا گیا سی۔ میک ایفی دا کہڻا ہے جو ایہناں دھاڑیاں دے پچھے اک ' ریاستی محرک ' سی، پر اوہنے ایس ریاستی محرک دا ناں نہیں لیا۔ ماہراں دا کہڻا ہے جو بہتا امکان ایس گل دا ہے پئی ایہہ '' ریاستی محرک ' چین ہے۔

پنج سالاں دے ایہناں سائبر دھاڑیاں دی تحریک دا نشانہ بڻڻ والے اداریاں دیاں فہرست وچ امریکی حکومت توں اڈ تائیوان، بھارت ، دکھڻی کوریا، ویتنام، کینیڈا، آسیان، انٹرنیشنل اولمپکس کمیٹی، ورلڈ اینٹی ڈوپنگ ایجنسی تے کئی ہائی ٹیک کمپڻیاں تے دفاع بارے ادارے رلتی نیں۔

اقوام متحدہ دی ہیکنگ دی واپری سن دو ہزار اٹھ وچ ہوئی، جدوں ہیکراں نے جنیوا وچ اقوام متحدہ دے سیکرٹریٹ دے کمپیوٹر سسٹم تے دھاڑا ماریا تے دو سال تیکر اوتھے کاروائی کردے رہے۔ میک ایفی موجب اوہ ہیکراں دی کاروائی دی شدت تے اوہدے دائرہ کار تے حیران نیں۔ ادارے نے مارچ وچ ایس سائبر دھاڑے دی سوں کڈھی سی۔

سائبر سیکورٹی بارے ماہراں دی وچار وچ ایس کاروائی دے پچھے چین دا ہتھ ہوسکدا ہے۔ ایس توں پہلوں کئی سائبر دھاڑیاں دے پچھے وی چینی ہیکرز دے ہتھ دا بھیت کھلیا ہے۔ چینی حکومت ایہناں الزاماں نوں رد دی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels