Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> برطانیہ وچ مصنوعی دل لاؤڻ دا پہلا آپریشن

برطانیہ وچ مصنوعی دل لاؤڻ دا پہلا آپریشن

وچار ڈیسک
August 3rd, 2011

برطانیہ وچ ڈاکٹراں نے دل دے اک مریض نوں مصنوعی دل لا کے میڈیکل سائنس دے شعبے وچ تاریخ لکھ دتی ہے۔ برطانوی کاؤنٹی کیمرج شائر نال سانگا رکھڻ والے چالی سال دے میتھیو گرین نوں دل دا روگ سی تے جدوں اوہناں نوں ہسپتال داخل کروایا گیا اودوں اوہ اپڻیاں چھیکڑلیاں ساہواں لے رہے سی۔ پیپ ورتھ ہسپتال دے ڈاکٹراں نے اک نویں زندگی دتی تے اوہناں دا دل بدل کے پلاسٹک دا مصنوعی دل لا دتا۔ میتھیو گرین دا دل اک نکی جئی بیٹری دی مدد نال چلدا ہے تے ایہہ بیٹری اوہ اپڻے پیٹھ تے پائے ہوئے تھیلے وچ لے کے چلدے نیں۔

میتھیو دا کہڻا ہے جو ایس نویں دل نے اوہناں دی زندگی بدل دتتی۔ برطانیہ وچ ایہہ اپڻی قسم دا پہلا آپریشن ہے پر سارے جگ وچ انج دے نو سو آپریشن ہوئے نیں۔ میتھیو گرین دا کہڻا ہے جو ہسپتال توں ویہلے ہوڻ دے مگروں مقامی بار وچ گیا تے اوتھے عام لوکاں وانگوں چس ماڻیا۔ لندن نال سانگا رکھڻ والے سرجن ڈاکٹر اسٹیون سوئی دا کہڻا سی جو دل دی بدلی دے بنا میتھو گرین جیوندے نہ رہندے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels