Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> لوڻ ہر حال وچ نقصان دیندا ہے: امریکی کھوج

لوڻ ہر حال وچ نقصان دیندا ہے: امریکی کھوج

وچار ڈیسک
July 13th, 2011

امریکی کھوجیاں ولوں پیر نوں اک رپورٹ وچ ایہہ گل ساہمڻے آئی ہے پئی لون دا بہتا ورتا تے پوٹاشیم دا گھٹ ورتاء موت دے خطرے نوں ودھا سکدا ہے۔ بماریاں توں بچا تے روکڻ دے امریکی ادارے سی ڈی سی نے پچھلے ہفتے دے ایس کھوجی سروے دے نتیجیاں نوں ردیا ہے، جیہدے موجب کوئی انج دا ثبوت نہیں مل سکیا پئی لوڻ گھٹ ورتڻ نال دل دیاں بماریاں دا خطرہ گھٹ جاندا ہے یاں ویلے توں پہلوں موت دا خطرہ ٹل سکدا ہے۔

'' لوڻ فیر وی تہاڈے لئی مندا ہے '، ایہہ ڈاکٹر تھومس فارلے نے کہیا جیہڑے نیو یارک دے ہیلتھ کمشنر وی نیں۔ نیویارک شہر وچ پنج سالاں وچ ہوٹلاں تے ڈبیاں وچ بند کھان دیاں شیواں وچ لوڻ دی مقدار وچ پنجھی فیصد کمی کرڻ دا منصوبہ ہے۔

صحت دے شعبے دے کئی ماہر فارلے دی گل من دے نیں جو بہتا لوڻ صحت لئی ٹھیک نہیں ہے۔ ایہدی گھٹ مقدار نال ہائی بلڈ پریشر تے دل دیاں بماریاں دا خطرہ وی گھٹ ہوسکدا ہے۔ انی سو ستر توں امریکہ وچ لون دا ورتاء ودھدا گیا ہے تے اجکل امریکی پہلے توں دوڻی مقدار وچ لوڻ ورت رہے نیں جنا کہ عام طور تے ورتڻا چاہی دا۔

بماریاں نوں کنٹرول تے روکڻ دے ادارے دی کھوج موجب اوہ کھاڻا، جیہدے وچ نمک دی مقدار بہتی ہووے تے پوٹاشیم گھٹ، خطرناک ہے۔ ماہراں نے پنداں سال دی لمی کھوج وچ باراں ہزار توں بہتے لوکاں تے لوڻ تے پوٹاشیم دے اثر ویکھے۔ ایس کھوج دے مکڻ تیکر 2270 لوکاں دی موت ہو گئی سی جیہناں وچوں 825 لوک دل دیاں بماریاں پاروں تے 433 لوک بلڈ کلاٹس تے سٹروکس پاروں جان توں ہتھ دھو بیٹھے۔

لوک جے روز دی خوراک وچ سجرے پھل تے سبزیاں جیویں کہ پالک، انگور، گاجر، تے شکرقندی تے گھٹ چکنائی والا ددھ تے دہی ورتڻ تے پوٹاشیم دی بہتی مقدار نمک دے اثر نوں گھٹ کردی ہے۔جے لوک ریستوراناں وچ جا کے بہتا کھاڻ گے تے ایہہ توازن خراب ہو جاوے گا۔ اوہ کہندیاں نیں پئی سوڈیم بلڈ پریشر ودھاؤندا ہے جدوں کہ پوٹاشیم ایہنوں تھلے لیاؤندا ہے۔ تے جے لوڻ جسم وچ پانی نوں برقرار رکھدا ہے، تے پوٹاشیم ایہدے توں چھٹکارا پاؤندا ہے۔ کوکلینا دا کہڻا ہے جو صرف لوڻ تے توجہ رکھڻی چاہی دی ہے، سگوں دوہواں وچکار توازن رکھڻا چاہی دا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels