Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> گھٹ سوڻا وی وزن ودھاؤڻ دا کارن ہے

گھٹ سوڻا وی وزن ودھاؤڻ دا کارن ہے

وچار ڈیسک
July 11th, 2011

ایہہ سچ ہے پئی بہتا سوڻا، کھاڻا تے گھٹ ورزش کسے وی انسان دے وزن وچ وادھے دا کارن بڻ دے نیں پر ہُڻ ماہراں نے انج دی نویں کاہڈ کڈھ لئی جیہدے موجب اُچیچے حالاں وچ گھٹ سوڻا وی وزن وچ وادھے دا کارن بڻ سکدا ہے۔

امریکہ وچ نیو یارک وچ ملڻ والیاں رپورٹاں وچ خبر ایجنسی روئٹرز نے نیندر پاروں پیدا ہوڻ والے جسمانی تے نفسیاتی مسئلیاں تے کھوج کرن والے امریکی ماہراں دا حوالہ دیندیاں ہوئیاں دسیا ہے جو ہُڻ ایہہ گل ثابت ہو گئی ہے پئی گھٹ نیندر نال جسمانی وزن وچ وادھے دے نال بہرحال اک صاف سانگا موجود ہے۔

پنسلوینیا یونیورسٹی دے نیندر بارے پربندھ تے مسئلیاں دا طبی مطالعہ کرن والے اک ماہر مائیکل گارڈنر موجب بہت گھٹ نیندر لیڻ والے بندے آپڻی توانائی دیاں لوڑاں پوریاں کرن لئی بہتی خوراک کھاندے نیں۔ پر جے اوہ انج آپڻے جثے دا حصہ بنڻ والی بہتی کیلوریز نوں نہ ورتڻ تے اوہناں وچوں کئیاں نوں وزن وچ وادھے دا ساہمڻا رہندا ہے۔

انج ایہہ ثابت ہو گیا ہے پئی گھٹ سوڻ دا اُچیچیاں شرطاں دے ہیٹھ جسمانی وزن وچ وادھے نال سانگا تے ہے پر ایہہ اُکا لازمی نہیں جو صرف بہت گھٹ سوڻا ہی آپڻے طور تے موٹاپے دا کارن بڻے۔

مائیکل گارڈنر موجب ایس بارے ہور کھوج دی لوڑ ہے پئی گھٹ سوڻا یاں نہ سوڻ دے جسمانی وزن تے اثراں دی طبی تفصیلاں نیں تے اوہناں دے نتیجے کیویں ساہمڻے آؤندے نیں پر ایہہ گل پکی ہے جو وزن گھٹ ہووے یاں بہتا، انسانی جسم نوں مناسب حد تیکر نیندر دی لوڑ ہوندی ہے تے ' واہوا نیندر ہر انسان دی ترجیح ہوڻی چاہیدی ہے '۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels