Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> تماکو پیڻ نال ایس سال چھ ملین بندے مارے جاڻ گے

تماکو پیڻ نال ایس سال چھ ملین بندے مارے جاڻ گے

وچار ڈیسک
July 8th, 2011

عالمی صحت دے ادارے موجب ایس سال تماکو پیڻ نال چھ ملین بندے مارے جاڻ گے۔ ایس عالمی ادارے نے تماکو پیڻ نوں انسانی تاریخ وچ صحت عامہ نوں پیش خطریاں وچوں سب توں وڈے خطرے دا ناں دتا ہے۔

ڈبلیو ایچ او ولوں جاری کیتی گئی Global Tobacco Epidemic اکھواؤڻ والی اپنی قسم دی تیجی رپورٹ موجب ہڻ وی اک ارب توں بہتے بندیاں نوں ایہہ لت ہے۔ ایس ادارے دے نفسیات دے ماہر Ala Alwan موجب تماکو پین والے بندیاں دی وڈی گڻتی دا سانگا پچھونہے ملکاں نال ہے۔

دنیا وچ ایس ویلے انی ملکاں دے شہری انج دے قانوناں موجب حیاتی لنگھا رہے نیں جیہڑے سگریٹ بڻاؤڻ تے ویچڻ والیاں کمپنیاں نوں پابند کردے نیں پئی اوہ سیگرٹ دے ہر پیکٹ تے اوہدے صحت لئی نقصان والے ہوڻ دیاں تصویراں یاں سنیہا چھاپڻ۔ عالمی ادارہ صحت موجب ہرکھ والی گل ایہہ ہے جو کئی ملک انج دے وی نیں جیہڑے تماکو پیڻ نوں مکاؤڻ یاں اوہدی دُر وچ کمی لئی کجھ نہیں کر رہے۔

ماہر ایس گل تے اک نیں پئی بہتیاں سیگرٹاں پیڻ والے بندیاں نوں پھیپھڑیاں دا جاڻ لیڻ والا کینسر ہوسکدا ہے تے دل دیاں بماریاں لگ سکدیاں نیں۔

آسٹریلیا دی حکومت انج قانون بنا رہی ہے ، جیہدے مگروں سیگرٹ اک انج دے سادہ ڈبے وچ ویچے جاڻ گے جیہدے تے کسے برانڈ دا ناں نہیں ہووے گا۔ پاکستان وچ وی حالیں عوامی تھاواں تے روزگار دیاں تھاواں تے سیگرٹاں تے روک لادتی گئی سی پر ایس قانون تے چنگے طریقے نال عمل نہیں ہورہیا۔ انج کجھ ملکاں نے سیگرٹ ویچڻ تے محصول ودھائے نیں جدوں کہ کجھ ملکاں نے عوامی میڈیا تے تماکو دیاں شیواں دے اشتہاراں تے روک لا دتی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels