Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> پاکستان وچ زندگی دا پورا سافٹ وئیر '' جنوم '' بڻ گیا

پاکستان وچ زندگی دا پورا سافٹ وئیر '' جنوم '' بڻ گیا

وچار ڈیسک
July 1st, 2011

کراچی یونیورسٹی دے سینٹر فار مالیکیولر میڈیسن اینڈ ڈرگ ریسرچ دے ڈاکٹر پنجوانی نے چین دے بیجنگ جنومکس انسٹیٹیوٹ دی سانجھ نال پاکستان وچ پہلی واری پاکستانی چہری دے جنوم دا پورا خاکہ بڻا لیا ہے۔

ایس مقصد لئی گذریل وفاقی وزیر پروفیسر ڈاکٹر عطاالرحمن نے جیہڑے کراچی یونیورسٹی دے انٹرنیشنل سینٹر فار کیمیکل اینڈ بائیولوجیکل سائنسز دے پیٹرن وی نیں آپڻے آپ نوں رضا کارانہ طور تے پیش کیتا۔

پاکستان وچ ایس منصوبے دے پردھان ڈاکٹر اقبال چودھری دا کہڻا ہے جو پاکستان دنیا دا چھیواں ملک ہے جتھے ایہہ کم ہویا ہے۔

ایس توں پہلوں امریکہ، یورپ۔ افریقہ تے ہندوستان دے شہریاں توں اڈ یہودیاں دے جنوم دے پورے نقشے بڻائے گئے نیں۔ اوہناں دا کہڻا سی پئی یہودیاں دے جنوم دا ٹیسٹ ایس لئی کیتا گیا کیوں جو اوہ اک انوکھا نسلی تے مذہبی جتھا ہے۔

ایس منصوبے بارے ڈاکٹر اقبال چودھری نے کھل کے دسیا پئی جنوم اصل وچ جینیا دی دنیا وچ کسے وی انسان دا اک پورا نقش ہوندا ہے۔ ایہہ زندگی دا پورا سافٹ وئیر ہے جیہدے وچ ایہدی ہر تفصیل لکھی ہوئی ہوندی ہے۔

' جیویں پئی اوہدے وڈھکے کتھوں آئے سی، اوہدی اپڻی ہستی کیویں دی ہے، اوہدے طبعی خدوخال، اوہدا رنگ کیویں دا ہے، اوہدی موروثیت، نسل تے ذہنی خوبی وغیرہ دیاں پوریاں تفصیلاں ہوندیاں نیں۔ کیہ بماریاں نیں یاں کیہڑیاں ہوڻ دا خطرہ ہے۔ ایہہ ساری جانکاری ایہناں جنومز وچ ان کوڈڈ ہوندیاں نیں۔''

ڈاکٹر اقبال نے ہور دسیا پئی ایہہ اک انسانی خلیے وچ تن سو ارب جنوم ہوندے نیں۔ اوہناں دا کہنا سی پئی سارے بندیاں دا مڈھلا جنوم اکو جیا ہوندا ہے پر ایہدے وچ کجھ فرق ہوندا ہے تے ایہو فرق ہے جیہدے نال انسان دی نسل تے قوم دی پچھاڻ ہوندی ہے۔

ڈاکٹر چودھری نے دسیا پئی جنوم اک بہت وڈی لکھت ہے تے اوہنوں لکھیا جاوے تے ہزار صفحے دیاں دو سو کتاباں بڻڻ گئیاں۔ پر ایہہ تفصیلاں بہت اہم نیں ، جیہناں دی مدد نال انسانی زندگی تے صحت دے مسئلیاں نوں نبیڑڻ وچ مدد مل سکدی ہے۔

اوہناں ہور دسیا پئی ایہدے توں ایہہ وی پتہ لگدا ہے جو ساڈی قوم کیہڑیاں قوماں نال رل کے بڻی ہے تے '' جے سانوں کسے آثار قدیمہ دی تھاں توں کوئی ڈی این اے ٹیسٹ کرن دا مرحلہ شروع ہووے گا جیہدے وچ گوادر دے ساحلی علاقیاں تے کیلاش دے رہڻ والیاں دے جنوم میپ بڻائے جاڻ گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels