Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> دل دامعاملہ ہے

دل دامعاملہ ہے

وچار ڈیسک
June 17th, 2011

محبت وچ دل ٹٹ جاوے تے فیر کیہ کیتا جاوے ؟ ہڻ نفسیات دے ماہر ایس نتیجے تے اپڑے تے پئی ایس پیڑ دا علاج کسے دوا وچ نہیں سگوں ذاتی رجھ تے اپنی کتھا دوجیاں نوں سڻاؤن وچ ہے۔

جدوں کسے دا دل ٹٹے، جذبیاں نوں انج دی سٹ وج دی ہے پئی دل بے قابو ہو جاندا ہے۔ بے دلی گھیر لیندی ہے تے ہر پاسے ناامیدی ہی نظرآؤندی ہے۔ پر ایس صورتحال وچ کرنا کیہ چاہی دا ؟ اخیر اوہ کیہ ترکیب ہے جیہدے راہیں ایس مندے ویلے چوں نکلیا جاسکدا ہے ماہر کہندے نیں ایس مسئلے دا سب توں چنگا حل سنگیاں یاں کسے وی ہور اعتبار والے بندے نال گل کرنا ہے۔ یعنی ایہہ کہیا جاوے جو دل دے بھار نوں گھٹاؤڻا۔

نفسیات دی ماہر کرسٹا روتھ کہندیان نیں جدوں دل ٹٹے یاں کسے دا چلاڻا ہو جاوے تے تکلیف اک ہی ہوندی ہے۔ اوہ ہور دسدیاں نیں جو ایس پیڑ دے وی کئی درجے ہوندے نیں۔ اوہناں موجب جدوں کوئی اپڻے آپ توں شرمندہ ہووے تے ایہدا مطلب ہے جو اوہ محبت وچ ناکامی دے درد دا پہلا مرحلہ ٹپ کے دوجے وچ وڑھ گیا۔ پہلے وچ انسان حقیقت توں نس دا ہے تے بے آس ہو جاندا ہے جدوں بندے نوں غصہ آؤڻا شروع ہووے تے ایہدے وچ بدلہ لیڻ دا جذبہ پیدا ہووے تے نفسیات دے ماہراں دی نظراں وچ ایہہ اک چنگی علامت ہے۔ ایہدا مطلب ایہہ ہے پئی اوکھا ویلا مک رہیا ہے تے ہڻ نویں مڈھ دا ویلا نیڑے آڻ اپڑیا ہے۔

ہر بندہ اک وکھرے انداز تے اک خاص ویلے وچ اپڻے دل نوں پہنچڻ والے درد تے قابو پاؤندا ہے۔ ایہدے وچ مڈھلا کردار ماحول دا وی ہوندا ہے۔ ناکامی، اکلے رہ جاڻ تے رد دتے جاڻ دا ویلا محبت کرڻ والے بندیاں لئی بہت ہی اوکھا ہوندا ہے۔ انج دے بندے جیہڑے اپنی حیاتی صرف اپڻے سنگی نال جوڑ لیندے نیں تے اپنے بیلیاں نوں بھل جاندے نیں اوہ وکھ ہوندے ویلے ٹٹ جاندے نیں۔ انج دے ویلے اک سنگی دی لوڑ پیندی ہے جیہڑا تہاڈی گل سڻے تہاڈے لئی چا بڻاوے تے جے تسیں روؤ تے تہانوں گل لاوے۔

نفسیات دے ماہر کہندے نیں جے کوئی اکلیاں ہی ایس درد نوں بھلڻا چاہوندا تے اوہنوں چاہی دا ورزش کرے یاں کجھ ہور اپڻے آپ نوں بہت رجھاؤڻ دی کوشش کرے۔ وکھیویں یاں محبت وچ ناکامی نال دل نوں اپڑڻ والے دکھ دا ازالہ اوہی لوک چھیتی کر پاؤندے نیں جیہڑے ایہنوں سمجھڻ دی کوشش کردے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels