Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ہیکرز امریکی سینیٹ دے کمپیوٹراں تیکر اپڑ گئے

ہیکرز امریکی سینیٹ دے کمپیوٹراں تیکر اپڑ گئے

وچار ڈیسک
June 15th, 2011

امریکی سینٹ دی ویب سائٹ دے پچھلے ویک اینڈ تے ہیک کیتے جاڻ دے مگروں واشنگٹن وچ ملکی کانگریس دے ایس ایوان بالا نے آپڻی ویب سائٹس دی سیکورٹی نوں نویں سرے توں پرکھڻا شروع کر دتا ہے۔

امریکہ وچ کسے بہت اہم ادارے دی سائبر سیکورٹی وچ دخل اندازی دی ایہہ پہلی واپری نہیں ہے، جیہڑی پربندھیاں لئی نموشی دا کارن بڻی ہے۔

Lulz Security ناں دے ہیکراں دا جتھا امریکی سینیٹ دی ویب سائٹ دے صرف پبلک حصے وچ جاڻ تیکر کامیاب ہو سکیا کیوں جو ایہدے توں اگے بہتی حساس جاڻکاری والے حصے تیکر اوہدی اپڑ اک فائر وال پاروں نہیں ہو سکی سی۔ ایس گل دی امریکی سینیٹ وچ سیکورٹی پربندھیاں دے راکھی دفتر دی نائب پردھان مارٹینا بریڈ فورڈ نے وی پک کیتی ہے، جیہناں نے دعویٰ وی کیتا جو ہیکرز ویب سائٹ دے رکن سینیٹ بارے متعلقہ جاڻکاری والے بہتے حساس حصے تیکر نہ اپڑ سکے۔

واشنگٹن وچ ملکی سینٹ دی 'سارجنٹ ایٹ آرمز' آفس دی نائب پردھان نے ایس ویب سائٹ دی پچھلے ویک اینڈ تے ہیکنگ دی تصدیق پیر نوں اودوں کیتی جدوں ہیکرز نے ایس ویب سائٹ توں چوری کیتی ہوئی بہتی جاڻکاری آپڻی اک ویب سائٹ تے چھاپ دتی سی۔ مارٹینا بریڈ فورڈ موجب Lulz Security دے ہیکرز نے آپڻی ایس حرکت نوں من دیاں ہوئیاں پیر نوں کہیا سی جو اوہناں نے جیہڑے کمپیوٹراں نوں ہیک کیتا اوہدے تیکر لوکاں دی پہنچ ہوڻی چاہیدی ہے تے ایہہ کم لوکاں دے لابھ لئی کیتا گیا ہے۔

واشنگٹن توں ملیاں رپورٹاں موجب امریکی سینیٹ تے سائبر دھاڑے کوئی نویں گل نہیں ہیڻ تے ہیکنگ دیاں انج دیاں ہزاراں کوششاں ہر مہینے ناکام بڻا دتیاں جاندیاں نیں۔ پر انٹرنیٹ سیکورٹی بارے اک امریکی تھنک ٹینک دے ماہر جان بوم گارنر موجب سینیٹ دی ویب سائٹ دی ہیکنگ امریکی پربندھیاں لئی بڑی نموشی دا کارن ہے۔

انٹرنیٹ سیکورٹی دے ایس امریکی ماہر موجب ''ہیکراں نے جیہڑا ڈیٹا چھاپیا ہے اوہ ظاہر کردا ہے پئی اوہناں نے سینیٹ دی ویب سائٹ تے آپڻے لئی غیر قانونی طریقے نال ایڈمنسٹریٹر دے حق لے لئے سی۔ ایہہ گل ایس لئی بڑی نموشی والی ہے پئی آپوں امریکی سینٹ دے رکن ہی دوجے وڈے وڈے اداریاں دے وڈے عہدیداراں نوں ایہہ پچھ دے رہندے نیں جو اوہناں دی ویب سائٹ تے سائبر سکیورٹی دے پروگرام کئی واری موثر ثابت کیوں نہیں ہوندے''۔

امریکہ وچ انٹرنیٹ ہیکرز '' للز سکیورٹی ' ناں دا ایہو گروپ ایہہ من وی چکیا ہے جو اوہنے جاپانی کمپنی سونی دی ویب سائٹ توں اڈ امریکہ وچ پبلک براڈ کاسٹنگ سروس نیٹ ورک دی ویب سائٹس وی ہیک کیتیاں سی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels