Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> چینی ہیکراں دی گوگل ای میل اکاؤنٹس ہیک کرڻ دی کوشش

چینی ہیکراں دی گوگل ای میل اکاؤنٹس ہیک کرڻ دی کوشش

وچار ڈیسک
June 2nd, 2011

امکانی طور تے چین نال سانگا رکھڻ والے کمپیوٹر ہیکراں نے گوگل دے سیکڑیاں ای میل اکاؤنٹس نوں ہیک کرڻ دی کوشش کیتی۔ اوہناں وچ سینئر امریکی سرکاری عہدیداراں دے اکاؤنٹس رلتی نیں۔

انٹرنیٹ سرچ انجن گوگل موجب سیکڑیاں دی گڻتی وچ ایہدے ای میل اکاؤنٹس نوں چین نال سانگا رکھڻ والے ہیکرز نے ہیک کرڻ دی کوشش کیتی۔ بدھ نوں گوگل ولوں جاری اک بیان وچ کہیا گیا ہے پئی جیہڑے اکاؤنٹس نوں ہیک کرڻ دی کوشش کیتی گئی اوہناں وچ امریکی حکومت دے وڈے عہدیداراں دے ای میل اکاؤنٹس وی رلتی نیں۔

دنیا دے سب توں وڈے انٹرنیٹ سرچ انجن گوگل موجب چین دے شاندونگ صوبے وچ علاقے جینان توں ایہہ کم شروع ہویا۔ جیہدے وچ ای میل اکاؤنٹس دے پاسورڈز نوں چوری کرڻ دی کوشش کیتی گئی پر اوہنے ایس کاروائی دا ویلے سر پتہ لا کے ایہنوں ناکارہ بنا دتا۔

وائٹ ہاؤس موجب امریکی عہدیداراں دے ای امیل اکاؤنٹس نوں ہیک کرڻ دی کوشش دی پچھ پرتیت کیتی جارہی ہے۔ اک سال پہلوں وی گوگل نے اپنے سسٹم تے اک سائبر اٹیک دی سوں کڈھی سی جیہدی کاروائی دا مرکز چین سی۔ ایس واپری دے مگروں گوگل تے بیجنگ وچ سانگے بڑے خراب ہو گئے سی۔ چین وچ انٹرنیٹ تے میڈیا تے سرکاری کنٹرول بہت سخت ہے۔ گوگل نے ایس واپری دے مگروں چین وچ کم کرنا بند کر دتا سی۔

ہیکنگ دی اجوکی واپری دے مگروں امریکہ تے چین وچکار سانگے ہور خراب ہوڻ دا خطرہ ہے۔ امریکہ نے حالی خبردار کیتا ہے پئی ایہدے تے کسے کسے وڈے سائبر اٹیک دی صورت وچ اوہ اصلی قسم دے فوجی جواب دا حق رکھدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels