Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ماپیاں دے جھیڑیاں دا بالاں تے اثر

ماپیاں دے جھیڑیاں دا بالاں تے اثر

وچار ڈیسک
May 15th, 2011

کھوجیاں موجب جے ماپے آپو وچ خوش نہ ہوڻ تے اوہدا سدھا ساہواں اثر نکے بالاں دی نیندر تے ہوندا ہے۔خیال کیتا جاندا ہے جو ایس عمر دے بالاں وچ ٹٹی نیندر دا اثر اوہناں دے ذہن تے پیندا ہے تے اگے جا کے ہور مسئلے پیدا کرسکدا ہے۔

' چائلڈ ڈیولپمنٹ ' ناں دے جرنل وچ چھپڻ والی ایس کھوج وچ امریکا وچ وسنیک 357 گود لئے بالاں تے اوہناں دے خانداناں تے کاہڈ کیتی گئی ہے۔اک برطانوی کھوجی موجب ماپیاں نوں ایس گل دا خیال رکھڻا چاہی دا پئی آپو وچ جھیڑیاں تے ہور قسم دے پاڑ دا اثر اوہناں دی حیاتی تے بالاں تے پے سکدا ہے۔

ایس کھوج وچ ماپیاں دے نال اودوں گل بات کیتی گئی جدوں اوہناں دے بال9 مہینے تے فیر 18 مہینیاں دے سی۔ اوہناں توں ایہو جئے سوال پچھے گئے جیہدے نال اوہناں دے آپو دے ساک تے کم بارے جانکاری لئی جاسکے ایس توں اڈ اوہناں نوں ایہہ وی پچھیا گیا پئی کیہ اوہناں دے بال نوں نیندر آؤڻ تے فیر ستے رہڻ وچ اوکڑ ہوندی ہے یاں نہیں۔

یونیورسٹی آف لیسٹر دے پروفیسر گارڈن ہیرولڈ دا کہڻا ہے جو نکیاں ہوندیاں چنگی نیندر دماغی تے جسمانی نشوونما لئی بہت ضروری ہے۔ ٹٹی نیندر دا سدھا ساہواں اثر ذہن تے پے سکدا ہے جیہدے نال اگے ٹر کے بالاں دے ورتارے توں اڈ کئی سماجی مسئلے پیدا ہوسکدے نیں۔ '

جیہڑے بالاں تے کھوج کیتی گئی اوہناں نوں جمدیاں ہی گود لیا گیا سی۔ پروفیسر ہیرلڈ دا کہڻا ہے پئی ' جینیاتی عناصر دا اثر کسے حد تیکر تے ہوندا ہے پر ایس کھوج نال ایہہ گل ساہمڻے آئی پئی ماں پیو دے ساک دا اثر بالاں تے ہر حال وچ ہوندا ہے '۔

سکاٹ لینڈ دے ' لارن اینڈ آئیلینڈس ' ہسپتال دے بالاں دے ڈاکٹر جیمی ہوسٹن دا کہنا ہے پئی ماں پیو نوں اُچیچا خیال رکھنا چاہی دا کیوں جو ہڻ ایہہ گل وار وار ساہمڻے آرہی ہے پئی حیاتی دے پہلوں کجھ سالاں دا اثر رہندی حیاتی تے پیندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels