Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> سگریٹ نال کینسر دا علاج

سگریٹ نال کینسر دا علاج

وچار ڈیسک
April 17th, 2011

انڈونیشیا دےگریا بالور دی موڈھی ڈاکٹر گریتھا ظہار دا کہڻا ہے جو انسانی پنڈے چوں پارے دی ہوند نوں مکاؤڻ نال صحت مل سکدی ہے۔ ایسے مناسبت نال اوہناں نے ڈیوائن سگریٹ نوں ساہمڻے لیاندا ہے۔

انڈونیشیا دی ڈاکٹر گریتھا ظہار نے نینو کیمسٹری وچ ڈاکٹریٹ دی ڈگری لئی ہوئی ہے۔ ڈاکٹر ظہار نے ایہہ ڈگری بنڈونگ دی Padjadjarn یونیورسٹی توں لئی سی۔ اوہناں دا دعویٰ ہے پئی پچھلے اک دہاکے وچ اوہناں نے سارے جگ وچ 60 ہزار مریضاں دا علاج ایس ڈھنگ نال کامیابی نال کیتا ہے۔

اوہناں دے کلینک گریا بالور تیکر لہندے ملکاں توں وی مریض اپڑدے نیں۔ گریا بالور کلینک پہلوں کئی ملکاں وچ کم کردا سی۔ ہڻ ایہہ کئی ملکاں وچ روک دا شکار ہو گئے نیں۔ انڈونیشیا وچ ہڻ وی ایہہ چالو ہے۔ ایس کلینک وچ کئی قسماں دے کینسر دا علاج تماکو پیڻ نال کیتا جاندا ہے۔

ایس کلینک دی موڈھی ڈاکٹر گریتھا ظہار دا کہڻا ہے پئی انسانی پنڈے دے وچ کئی حالتاں تے انداز نال اپڑن والا مرکری یاں پارہ بہت گنجھلاں دا کارن بڻ دا ہے۔ جسم دے وچ پارے نوں روکڻا بہت ضروری ہے۔ اوہدے روکڻ نال کئی چنگے اثر انسانی صحت تے پیندے نیں۔ ڈاکٹر ظہار موجب پارے نوں کنٹرول کرن نال ڈھلدی عمر دا کم وی روکیا جا سکدا ہے۔ اوہ آپڻے سگریٹاں نال ہڻ تیکر ہزاراں بندیاں دا کامیاب علاج کر چکیاں نیں۔ اوہناں نے آپڻے سگریٹاں نوں ڈیوائن سگریٹ یاں االوہی سگریٹ متھیا ہے۔ اوہناں نے پارے نوں ساریاں بیماریاں دی جڑ دسیا ہے۔

ڈاکٹر گریتھاظہار نے آپڻی ویب سائٹ تے حالیں لکھیا ہے پئی اوہ آپڻے نظریاں دی بین الاقوامی طبی لیبارٹریاں نال تصدیق ضروری نہیں سمجھدی۔ اوہناں موجب اوہ آپڻے نظریاں نوں طباعت دے کم توں وی دور رکھڻا چاہوندیاں نیں۔ اوہناں دا ایہہ وی کہڻا ہے پئی اوہناں دے کول سرمائے دی وی تھوڑ ہے تے ایسے پاروں اوہ لہندے سائنسداناں دے نال کسے تقابلی مہم جوئی دا حصہ نہیں بڻناچاہوندی۔

ڈاکٹر ظہار دا خیال ہے پئی انسانی پنڈے وچ پارے دی کئی انداز وچ ہوند کئی بیماریاں دا کارن بڻ دی ہے تے اوہناں دے سگریٹ انسانی جثے چوں پارے دی ہوند نوں مکاؤڻ وچ مڈھلا کردار ادا کردے نیں۔ ڈاکٹر ظہار دا کہڻا ہے پئی اوہ آپڻے ڈیوائن سگریٹ وچ نینو ٹیکنالوجی ورت دیاں نیں تے اوہناں دے سگریٹ دے سُوٹے نال انسانی جثے وچ موجود پارے دے اجزا نوں دھوئیں دے اخراج نال باہر کڈھڻ وچ مدد ملدی ہے۔

انڈونیشیا وچ تماکو پیڻ دے خلاف مہم چلاؤڻ والیاں دا خیال ہے پئی گریا بالور ورگے کلینک تماکو پیڻ تے روک دی راہ وچ اڑیچ نیں کیوں جو اوہناں پاروں حکومت نوں ارباں ڈالر دی کمائی سگریٹاں دی وکری نال ہو رہی ہے۔

ایہناں دناں وچ ڈاکٹر ظہار نوں آپڻے طریقہ علاج دے سلسلے وچ انڈونیشیا دی دستوری عدالت دا ساہمڻا ہے۔ دستوری عدالت وچ کساناں تے پارلیمنٹ دے رکناں نے اک اپیل دائر کیتی ہے پئی تماکو نال نشے دی لت پکی ہوندی ہے ایس لئی ایس سلسلے وچ کاروائی دی اجازت دتی جاوے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels