Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> سارے جگ وچ ہر روز 7000 مردہ بال جم دے نیں

سارے جگ وچ ہر روز 7000 مردہ بال جم دے نیں

وچار ڈیسک
April 15th, 2011

اک بین الاقوامی سائنسی اخبار وچ چھپڻ والے اک مقالے موجب سارے جگ وچ ہر روز 7000 مرے ہوئے بال جمدے نیں، ترقی پذیر ملکاں وچ مردہ بال جمڻ دی در بہتی ہے۔

لانسیٹ وچ چھپن والے مقالے وچ ہور کہیا گیا ہے پئی سارے جگ وچ ہر سال پیدا ہوڻ والے 26 لکھ بالاں دا اٹھانوے فیصد درمیانی تے گھٹ آمدڻی والے ملکاں وچ پیدا ہوندے نیں۔

ایس مقالے وچ کہیا گیا ہے پئی چنگیاں طبی سوکھتاں تے راکھی نال غریب ملکاں وچ مردہ بالاں دے جمن دی در نوں سنہ 2020 تیکر گھٹا کے ادھا کیتا جا سکدا ہے۔

بالاں دے عالمی ادارے ' سیو دی چلڈرن ' موجب ایس مسئلے نال نبڑن لئی موجودہ دور وچ ملڻ والے موقعیاں توں پوری طرحاں فیدا نہیں چکیا جا رہیا تے اوہ ضائع ہو رہے نیں۔

دکھڻی افریقہ تے دکھڻی ایشیائی ملکاں وچ مرے بالاں دے جمڻ دی در بہتی ہے۔ رپورٹ وچ غریب ملکاں نوں کہیا گیا ہے پئی اوہ ایس دہاکے دے اخیر تیکر مرے بالاں دے جمڻ دی در نوں پنجاہ فیصد تیکر گھٹ کرن تے ایہدے وچ کاروائیاں دی نشاندہی وی کیتی گئی ہے جیہڑیاں ایس سلسلے وچ کیتیاں جا سکدیاں نیں۔

چین ، میکسیکو، کولمبیا تے ارجنٹینا ورگے درمیانی آمدڻ والے ملکاں نے اجوکے سالاں وچ مردہ بالاں دے جمن دی در 40 توں 50 فیصد تیکر گھٹائی ہے۔

دکھڻی افریقی ملکاں وچ آتشک دے علاج وچ کوتاہی وی مرے بالاں دے جمڻ دا اک وڈا کارن ہے۔ رپورٹ وچ کہیا گیا ہے جو ایس بماری دے علاج نال ہر سال اک لکھ 36 ہزار بالاں نوں بچایا جا سکدا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels