Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> اُچی اڈی: فیشن ضروری یاں صحت ؟

اُچی اڈی: فیشن ضروری یاں صحت ؟

وچار ڈیسک
April 14th, 2011

اُچی اڈی والیاں جتیاں مرداں تے زنانیاں دوہواں لئی نقصان دہ ہوندیاں نیں۔ ماڈرن دور وچ زنانیاں تے کیہ مرد وی اُچیاں اڈیاں والیاں جتیاں پا کے آپنے آپ نوں بہتا من کھچواں محسوس کردے نیں۔

کجھ دا خیال ہے جو ہائی ہیل والیاں جتیاں پاؤڻ نال اوہناں دی ذات وچ بہتی جنسی کھچ پیدا ہو جاندی ہے۔ ماہراں دا کہنا ہے پئی اُچی اڈی والیاں جتیاں مسلسل ورتڻ نال انسانی جثے دی وچلی ساخت وچ نقص پیدا ہوجاندا ہے۔ جوڑاں تے ہڈیاں دے ماہراں دا کہنا ہے پئی اُچی اڈی والیاں جتیاں دے مسلسل ورتڻ نال پنیاں دے پٹھیاں دے فائبرز سونگھڑکے نکے ہوجاندے نیں جیہدے پاروں ٹرڻ پھرڻ دی خوبی تے بہت اثر پیندا ہے۔
انج دی صورتحال وچ پنیاں دے پٹھیاں دے فائبرز نوں طاقت دیڻ لئی اوہ نس موٹی ہونا یاں پھلنا شروع ہو جاندی ہے جیہڑی اڈی دی ہڈی تے پنی دے پٹھیاں نوں ملاؤڻدی ہے۔ ایسے پاروں اُچی اڈی والیاں جتیاں ورتڻ والیاں کئی زنانیاں جدوں بناء اڈی دے جتیاں پاؤندیاں نیں تے اوہناں نوں اپنے پیراں تے لتاں وچ بہت پیڑ محسوس ہوندی ہے۔ ایہناں مندے اثراں دے مگروں وی جیہڑے لوک اڈی والی جتی پاؤڻ توں نہیں ولاؤڻدے اوہناں نوں چاہی دا پئی اوہ لتاں وچ درد ہوڻ تے رات نوں اسٹریچنگ ایکسرسائز یاں لتاں نوں کھچڻ دی ورزش کرڻ۔

ماہراں نے ایہہ وی کہیا ہے پئی اُچی اڈی والیاں جتیاں دے بھیڑے اثر صرف پنیاں دے پٹھیاں تے ہی نہیں پیندے سگوں اوہ پیراں دیاں ہڈیاں وچ وی بدلی دا کارڻ بڻ دے نیں۔ اُچی اڈی دا وڈا کارن پیر دے اگلے حصے تے بہتا دبا پیندا رہڻا ہے جیہڑا چھیتی ہی پیر دے پنجیاں نوں بھیڑی طرحاں دباؤندا ہے۔ ایہناں تکلیفاں نوں ویکھدیاں ہوئیاں ماہراں دی صلاح ہے پئی اُچی اڈی والیاں جتیا نوں روز ورتڻ والیاں جتیاں دی تھاں ورتڻ توں پرہیز کیتا جاوے تے اڈی والیاں جتیاں نوں کدی کدائیں کسے اُچیچے موقعے تے ہی پاؤڻا چاہی دا۔

ہائی ہیل والیاں جتیاں بارے کروائے گئے اک آن لائن سروے دے نتیجیاں موجب چورانوے فیصد مرداں دا کہڻا ہے اُچی اڈی والیاں جتیاں پاؤڻ والیاں زنانیاں دی جنسی کھچ ودھ جاندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels