Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> بائیونک آئی، انھیاں لئی چانڻ دی آس

بائیونک آئی، انھیاں لئی چانڻ دی آس

وچار ڈیسک
April 4th, 2011

ایہو جہے بندے جیہڑے ہولی ہولی انھے ہو رہے نیں، ہڻ اوہناں لئی اک انج دی مصنوعی اکھ ایجاد کر لئی گئی ہے، جیہدی مدد نال اوہ اک واری فیر چانڻ نوں ویکھ سکڻ گے۔

امریکی ریاست کیلی فورنیا دی اک کمپنی نے اک ایہو جہیا آلہ ایجاد کیتا ہے جیہڑا اک عینک دی شکل وچ ہے۔ بائیونک آئی نوں آرگس ٹو دے ناں توں جاڻیا جاندا ہے، ' سیکنڈ سائٹ ' دا ناں دتا گیا ہے۔ ایہہ آلہ اک کیمرے راہیں کم کردا ہے۔ ایہہ کیمرہ بناء کسے تار دے اک نکے جہے آپریشن دی مدد نال اکھ وچ پردے نال جوڑ دتا جاندا ہے۔ پہلوں ایہہ آلہ انج دے بندیاں لئی بڻایا گیا ہے جیہڑے اکھاں وچ سوج پاروں ہولی ہولی آپڻی بینائی توں وانجھے جاندے نیں۔

بھاویں ایس آلے دا کئی بندیاں تے کامیاب تجربہ کیتا جا چکیا ہے پر کھوجیاں دا کہڻا ہے پئی حالی ایہہ آلہ مڈھلے مرحلیاں وچ ہے تے ویلے دے نال نال ایہدے وچ جدت پیدا کیتی جاوے گی تاں جو ایہدے توں بہتے توں بہتا فائدہ لیا جا سکے۔

یونان توں امریکہ جاڻ والے اک الیکٹریشن Elias Konstantopoulos وی ایہناں کجھ بندیاں وچوں نیں جیہناں تے ایس آلے دا تجربہ کیتا گیا۔ اوہ retinitis pigmentosa ناں دی اک ایہو جہی بماری دا شکار سی، جیہڑی ناقابل علاج خیال کیتی جاندی ہے۔ ایس بماری وچ پئے اک لکھ بندے صرف امریکہ چوں نیں۔ ہڻ ایس آلے دے کامیاب تجربے دے مگروں حالیں یورپ وچ وی ایہدے ورتڻ دی اجازت دے دتی گئی ہے۔ آپریشن دے نال ایس آلے دی قیمت کوئی اک لکھ ڈالر بڻدی ہے۔

3 سال پہلوں ڈاکٹراں نے اوہناں نوں ایس تجربے وچ حصہ لیڻ لئی کہیا سی، جیہڑا اوہناں نے خوشی نال قبول کر لیا سی، ایس آلے توں بناء کجھ نہیں ویکھ سکدا سی، پر ایہدی مدد نال میں تھوڑا بہت ویکھ سکناں۔ میرے لئی اک آس ہے۔

امریکہ دی جان ہاپکن یونیورسٹی نال جڑے ڈاکٹر Gislin Dagnelie دا کہڻا ہے پئی جیہڑے بندے واہوا چر توں انھے نیں، اوہناں تے ایس آلے دا کوئی بہتا اثر نہیں ہووے گا پر اوہناں نے آس ظاہر کیتی جو اگلے 15 یاں 20 سالاں توں مگروں ایس آلے نوں ہور جدید بڻا دتا جاوے گا جیہڑا خورے سارے انھے بندیاں لئی کم آ سکے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels