Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ددھ گاں دا، ناں ماں دا

ددھ گاں دا، ناں ماں دا

وچار ڈیسک
April 4th, 2011

ملین ڈالر سوال ایہہ ہے جو آؤڻ والے دناں وچ گاں نوں کس نظر نال ویکھیا جاوے گا کیوں جو ہڻ اوہنے انج دا ددھ دیڻا شروع کر دتا ہے جیہڑا نرا انسانی ددھ ورگا ہے تے ایہدے وچ موجود سارے اجزا تے مرکبات پورے اوہی نیں تے اوسے تناسب نال نیں جیویں ماں دے ددھ وچ ہوندے نیں۔

چینی دارالحکومت بیجنگ وچ زرعی یونیورسٹی دے ایگرو بائیو ٹیکنالوجی شعبے دے سائنسدان بہت چر توں جاری پڻ چھاڻ دے مگروں 300 انج دیاں گاواں تیار کرن وچ کامیاب ہوگئے نیں جیہڑیاں انسانی صفتاں رکھڻ والا ددھ دیندیاں نیں۔

کھوجی ٹیم دے پردھان پروفیسر نینگ لی دا کہڻا ہے اسیں کلوننگ ٹیکنالوجی نوں ورت دیاں ہوئیاں انسانی ڈی این اے تے ہال سٹین نسل دی گاں دی اک انج دی نسل پیدا کیتی ہے جیہدے ددھ وچ انسانی ددھ دے سارے اجزا تے گُڻ ہیڻ۔

پروفیسر لی دا کہڻا سی ایس ویلے ساڈے کول اس نویں نسل دیاں 300 گاواں موجود نیں تے اسیں اوہناں دی گڻتی وچ وادھے دیاں کوششاں جاری رکھیاں ہوئیاں نیں تاں جے انسانی ددھ نوں مارکیٹ وچ اپڑایا جا سکے۔

ہال سٹین نسل دی گاں دا اصلی وطن ہالینڈ ہے تے اوہنوں سارے جگ وچ سب توں بہتی ددھ دیڻ والی نسل سمجھیا جاندا ہے۔ کجھ ملکاں توں سوا سارے جگ وچ ڈیری دیاں لوڑاں پوریاں کرن لئی گاں دا ددھ ہی ورتیا جاندا ہے۔

پروفیسر لی دا کہڻا ہے پئی دس سالاں وچ مارکیٹاں وچ انسانی ددھ کھلا ملڻ لگ پوے گا۔پروفیسر لی دا کہڻا ہے جو نواں ددھ سواد وچ عام گاں دے ددھ نالوں تیز ہے۔ ایہدے وچ ماں دے ددھ وچ پایا جان والا پروٹین Lysozyme انسانی تناسب وچ موجود ہے۔ ایہہ پروٹین نکے بالاں نوں انفیکشن توں بچاؤڻ وچ مدد دیندا ہے۔ ایہدے نال ددھ وچ lactorerrin تے alpha-lactalbumin وی قدرتی طور تے رلتی ہے۔

پروفیسر لی نے میڈیا تے آپڻے اک انٹرویو وچ کہیا جو اوہناں دی ٹیم نے ایہہ ثابت کر وکھایا پئی انسانی گُڻ رکھڻ والی کلون گاں بڻائی جا سکدی ہے جیہڑی بھلک دے بدلدے ہوئے انسانی وسیب دیاں لوڑاں پیدا کرن دی خوبی رکھدی ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels