Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> کار وچ انٹرنیٹ: انٹرنیٹ ٹیکنالوجی دا نواں میدان

کار وچ انٹرنیٹ: انٹرنیٹ ٹیکنالوجی دا نواں میدان

وچار ڈیسک
March 29th, 2011

وائی فائی ٹیکنالوجی دی ترقی دے نال نال کاراں وچ وی ایہدے ورتڻ دے امکان ودھدے جا رہے نیں۔ انج کاراں وچ انفارمیشن ٹیکنالوجی دی ورتوں نویاں حداں نوں چھو رہی ہے۔

تجزیہ کاراں دا کہڻا ہے ورتڻ والیاں دی، جاڻکاری دی چاہ وچ مسلسل وادھا ہو رہیا ہے۔ کئی لوک جاڻکاری دے نال نال تفریح وی چاہوندے نیں جیویں کہ اوہناں نوں اسمارٹ فون تے نکے کمپیوٹراں راہیں ایہہ تفریح مل چکی ہے۔

پہلی نظر وچ انٹرنیٹ تیکر پہنچ نوں کاراں وچ وی ممکن بناؤڻا غلط لگدا ہے کیوں جو ایہہ خطرہ ہوندا ہے پئی انج کار چلاؤڻ وچ دھیان ونڈیا جا سکدا ہے۔ ایس توں اڈ ایہہ اک غیر سنجیدہ گل وی لگدی ہے۔ پر ویلے دے نال نال لوک ایہدے عادی ہوندے جاڻ گے تے فیر اوہ کار وچ ایہدی تھوڑ محسوس کرن گے۔ ٹیلی کام انڈسٹری دے اک غیر جانبدار تجزیہ کار جیف کاگان نے کہیا "ویلے دے نال نال ایہہ ساڈی حیاتی دا حصہ بڻ جاوے گا۔ میرے خیال وچ کار وچ انٹرنیٹ اک بہت بھرواں تے فعال سیکٹر بڻ جاوے گا۔"

سنہ 2010 وچ سارے جگ وچ وائرلیس انٹرنیٹ دی سوکھت والیاں برآمد کیتیاں کاراں دی گڻتی اک لکھ 74 ہزار سی۔ مارکیٹ ریسرچ فرم موجب سنہ 2017 وچ ایہہ گڻتی 72 لکھ تیکر اپڑ جاوے گی۔

وائرلیس انٹرنیٹ یاں تکنیک پچھلے کئی سالاں توں کاراں وچ اوہناں دے خریدے جاڻ دے مگروں نصب کیتی جا رہی ہے پر ہڻ کئی وڈیاں کاراں بناؤڻ والیاں کمپنیاں کاراں لئی وائرلیس انٹرنیٹ دی ایجاد وچ رُجھیاں نیں۔ فورڈ کار کمپنی سنہ 2010 توں کجھ اُچیچے کار ماڈلز وچ Wi.Fi یاں وائرلیس انٹرنیٹ لا رہی ہے تے جنرل موٹرز ، بی ایم ڈبلیو، Audi , Saab تے کرائسلر سڻے کئی کمپنیاں کاراں وچ وائر لیس انٹرنیٹ کنکشن لا رہیاں نیں۔

مارچ وچ فن لینڈ دی ٹیلی کوم دی عالمی فرم نوکیا نے گیاراں کمپنیاں دے کنسورشیم دا اعلان کیتا جیہڑے آپڻے تکنیکی معیار اکو جہے رکھڻ گے۔ ایہناں کاراں دیاں کمپنیاں وچ جنرل موٹرز ، ٹویوٹا، مرسیڈیز، ہونڈا، ہنڈائی تے فوکس ویگن وی رلتی نیں۔

آٹونیٹ موبائل ناں دی کیلفورنیا دی فرم آٹو موبائل مارکیٹ وچ آپڻے first internet- based telematics ہوڻ دا دعویٰ کردی ہے۔ اوہدا کہڻا ہے جو امریکہ وچ کار انٹرنیٹ سوکھت ورتڻ والے اوہدے گاہکاں دی گڻتی 10 ہزار توں ودھ ہے۔ تے اوہ ایس کنکشن لئی مہینے دے 29 ہزار ڈالر فیس بھردے نیں۔ ایس کمپنی نے حالی کار بناؤڻ والیاں فرماں جنرل موٹرز تے سوبارو دے نال معاہدیاں تے دستخط وی کیتے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels