Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> آئیڈیل مرد دی کھوج

آئیڈیل مرد دی کھوج

وچار ڈیسک
March 25th, 2011

دنیا وچ کیہڑے انج دے جوان منڈے کڑیاں ہوڻ گے، جیہناں نوں آئیڈیل دی بھال نہ ہووے۔ ایس اوکھت نوں نبیڑن لئی جرمنی دے شہر ہیمبرگ وچ پچھلے جمعے نوں اک انج دی نمائش جاری ہے جیہدا ناں 'آئیڈیل مرد ' رکھیا گیا ہے۔

ایس نمائش وچ دنیا دے سب توں چنگے فوٹو گرافراں دیاں 150 توں بہتیاں آئیڈیل مرداں دیاں تصویراں وی رکھیاں گئیاں نیں۔ ایہہ نمائش آئیڈیل مرداں بارے وچ ہے تے ایہدا مقصد ایہہ پتہ کرنا ہے پئی اجکل دے دور وچ کس قسم دے مرداں نوں پسند کیتا جاندا ہے۔ مرداں دا رنگ، حلیہ ، وال تے لباس کیویں دے ہوڻے چاہیدے نیں پئی لوک اوہناں نوں محبت دی نگاہ نال ویکھڻ۔

ایس نمائش دی پربندھک نادینے بارتھ کہندیاں نیں "80 دے دہاکے وچ انج ورزش کرن والے مرداں نوں پسند کیتا جاندا سی، جیہڑے طاقتور نظر آؤندے سی۔ 90 دے دھاکے وچ انج دے ہپی ٹائپ منڈیاں نوں پسند کیتا جاڻ لگیا جیہناں دے وال لمے ہوندے سی۔پر اج ساڈیاں سدھراں بدل چکیاں نیں۔ اج اسیں چاہوندے آں جو منڈا پڑھیا لکھیا ہووے، اعتماد نال بھریا ہووے تے صورت دے نال نال اوہدا کردار وی چنگا ہووے''۔

ایس نمائش وچ رکھیاں گئیاں تصویراں نوں جے ویکھیا جاوے تے پتہ لگدا ہے جو ایتھے نویں چہریاں دے نال اوہی روایتی طریقے نال بڻائیاں گئیاں تصویراں رکھیاں گئیاں نیں۔ اج دے آئیڈیل تے ماڈل منڈیاں وچ اوہ کیہڑی انج دی گل ہے جیہڑی پہلے مرداں وچ نہیں ہوندی سی۔

نمائش دے پربندھی نادینے بارتھ کہندیاں نیں "تصویراں دا گویڑ اج وی روایتی ہے پر چہرے نویں نیں۔ اج دے ماڈلز وچ نویں گل ایہہ ہے جو اوہ سوہڻے ہوڻ توں اڈ چنگی ہستی دے مالک وی ہوندے نیں۔ مضبوط جثیاں دے نال نال اوہ علمی حساب نال وی تہانوں متاثر کردے نیں۔

جے ایہناں تصویراں نوں رول ماڈل بڻایا جاوے تے اج دے آئیڈل مرد نوں سوہڻا، رومانوی، عقل مند، پڑھیا لکھیا تے کردار دا چنگا ہوڻ توں اڈ کئی دوجیاں خوبیاں دا مالک وی ہوڻا چاہیدا ہے۔ پر ایہدے مگروں وی ایس نمائش وچ رلتی اک زنانی دا کہڻا سی جو کوئی وی اک مرد بھاویں اوہدے وچ کنیاں خوبیاں کیوں نہ ہوڻ ہر عورت دا آئیڈیل نہیں ہو سکدا۔ کسے وی مرد یاں عورت دی آئیڈیل ہستی کیویں دی ہوڻی چاہیدی ہے، ایہہ ہر اک دا آپڻا فیصلہ ہوندا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels