Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> شوگر ٹیسٹ ہڻ خون دی بجائے ہنجو راہیں

شوگر ٹیسٹ ہڻ خون دی بجائے ہنجو راہیں

وچار ڈیسک
March 18th, 2011

امریکہ دے ماہراں نے خون وچ شوگر دی مقدار پرکھڻ لئی اک نواں آلہ بڻایا ہے۔ ایس آلے وچ مریض دی اکھ توں لئے گئے سیال مادے یعنی ہنجو راہیں خون وچ شوگر دی مقدار پرکھی جا سکے گی۔

امریکہ وچ شوگر دے مریضاں دی گڻتی 23 ملین توں بہتی ہے تے ایہہ بماری امریکہ وچ مرن والیاں دی پنجویں سب توں وڈی وجہ ہے۔ ایہو نہیں سگوں شوگر پاروں کئی ہور بماریاں دے خطرے وی ودھ جاندے نیں جیہناں وچ دل دیاں بماریاں، انھے ہوڻا، گردیاں دی خرابی، انگاں دا وڈھیا جاڻا تے ہور کئی طرحاں دے طبی مسئلے رلتی نیں۔

شوگر دے مریضاں لئی ضروری ہوندا ہے جو اوہناں دے خون وچ شوگر دی مقدار اک متھی حد وچ رہے تے ڈاکٹرز مریض نوں ہی ایہہ صلاح دیندے نیں جو آپڻے خون وچ شوگر دی مقدار باقاعدگی نال مانیٹر کرن۔ کئی واری ایس مقصد لئی خون دا ٹیسٹ دن وچ کئی واری کرنا ہوندا ہے۔ کیوں جو شوگر لیول چیک کرن لئی ضروری ہے جو مریض سوئی راہیں آپڻی انگلی وچ موری کرے جیہڑا بہت پیڑ دیڻ والا کم ہوندا ہے ایس لئی کئی مریض آپڻا شوگر لیول چیک کرن توں ولاؤندے نیں۔

پر امریکہ دے طبی ماہراں دی اک نویں ایجاد راہیں شوگر دے مریضاں لئی شوگر لیول چیک کرن دا بہت تکلیف والا کم ہڻ سوکھا ہوگیا ہے۔ خون وچ گلوکوز دا پتہ لاؤڻ والے ایس نویں آلے دی مدد نال مریض دی اکھ توں لئے گئے سیال مادے یعنی ہنجو راہیں خون وچ موجود شوگر دی مقدار دا پتہ لایا جا سکے گا۔

پر ایس نویں ایجاد نوں مریضاں تیکر اپڑن وچ حالی کجھ ویلا لگے گا کیوں جو ایس ٹیکنالوجی ورتڻ لئی طبی اداریاں توں ایہدی باقاعدہ حمایت دا مرحلہ حالی رہندا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels