Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> نہار مونہہ جاگنگ نقصان دیندی ہے

نہار مونہہ جاگنگ نقصان دیندی ہے

وچار ڈیسک
March 15th, 2011

جرمن اسپورٹس ہائی اسکول دے پروفیسر انگو فروبس دا کہڻا ہے جو سویرے ناشتے توں پہلوں جاگنگ کرنا یاں دوڑ لاؤڻا لازمی طور تے جسمانی یاں ذہنی کارکردگی نوں چنگا نہیں بڻاؤندا ہے۔

پروفیسر انگوفروبس دا کہڻا ہے جو رات وانگوں ہی ساڈا جسم سویر دے ویلے وی چکنائی نوں توڑ رہیا ہوندا ہے۔ ایس لئی جے خالی معدے دے نال ورزش کیتی جاوے تے چکنائی نوں جذب کرن دا کم صرف اودوں ہی جاری رہندا ہے جدوں تیکر جسم وچ شکر دے بھنڈار ورتے نہیں جاندے۔ جدوں ایہہ مرحلہ آڻ اپڑدا ہے تے جسمانی کارکردگی گھٹ ہوڻ لگدی ہے ایتھوں تیکر پئی تسیں جاگنگ مکا دیڻ تے مجبور ہو جاندے ہو۔

پروفیسر انگو دا کہڻا ہے جے تسیں سویرے دوڑ لاؤڻا چاہوندے او تے تہانوں گھٹو گھٹ کوئی انج دی غذا ضرور کھاڻی چاہیدی ہے جیہدے وچ کائبو ہائیڈریٹ بہت زیادہ ہوڻ جیویں کہ کیلا۔ پر اوہ ناشتے دے مگروں جاکنگ کرن دی صلاح دیندے نیں۔ اوہناں دا کہڻا ہے جو تسیں عضلات نوں طاقتور بناؤڻ لئی ویٹ لفنٹگ کر سکدے او۔ ایہدے نال جسم وچ خون دا دباء ودھدا جاندا ہے۔ انج بندہ واہوا چوکس ہو جاندا ہے۔

قوت برداشت نوں ودھاؤڻ لئی جاگنگ ورگی ورزش لئی شام دا ویلا بہتا چنگا ہوندا ہے۔ پروفیسر انگو نے کہیا جو معتدل قسم دی دوڑ لاؤڻ نال جسم دا تناؤ دور ہو جاندا ہے تے ذہن وی ہلکا پھلکا ہوجاندا ہے۔ پر اوہناں نے ایہہ وی کہیا جو سوڻ توں گھٹو گھٹ دو گھنٹے پہلوں دوڑنا چاہیدا ہے تاں جو نیندر چنگی آ سکے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels