Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> کدے گھوڑے دی گھاہ نال یاری وی ہوندی سی

کدے گھوڑے دی گھاہ نال یاری وی ہوندی سی

وچار ڈیسک
March 7th, 2011

گھوڑیاں دیاں کئی قسماں دے دنداں دے کروڑاں ورھے پراڻے نمونیاں دی کاہڈ نال ایہہ گل ساہمڻے آئی ہے جو ایہناں دی بہت پراڻیاں نسلاں گھاہ نہیں سگوں بہتے پھل کھاندیاں سڻ۔

سائنسی کھوجی اخبار 'سائنس' وچ چھپڻ والی امریکی ماہراں دی اک نویں کاہڈ دے نتیجیاں موجب 55 ملین سال توں وی بہتا چر پہلوں دھرتی تے موجود گھوڑیاں دے دنداں دی fossils دی وچ ملڻ والی بہت پراڻی رہند کھوہند دی پرکھ توں ثابت ہو گیا ہے جو ایہناں جانوراں دے مونہہ وچ خوراک نوں چبڻ والے تیز دند نہیں ہوندے سی۔ ایس لئی گھوڑیاں دیاں کئی نسلاں دے ایہہ پراڻے جانور بہتے انج دے پھل یاں سبزیاں کھاندے سڻ جیہناں وچ گودا بہتا ہوندا سی۔

'سائنس' وچ چھپڻ والی ایس نویں کھوج موجب خشکی تے رہندیاں ہوئیاں تے کئی ملین سال دا پینڈا کرن توں مگروں گھوڑیاں نے آپڻی غذائی عادتاں وچ بدلی دا کم انج پورا کیتا پئی اودوں اوہ گھاہ وی کھاڻ لگے سی۔

امریکی حیاتیات دے ماہراں موجب غذا نوں چبڻ لئی بہتے ورتون والے بہتے وڈے تے تیز دنداں تیکر دا ارتقائی پینڈا بہتا اوہناں دے گھراں دے قدرتی ماحول تے تاریخی بدلیاں پاروں ہویا۔

نیو یارک دے انسٹیٹیوٹ آف ٹیکنالوجی دے اک ماہر تے ایس کھوج وچ رلتی لکھاری میتھیو میل بیشلر موجب اوہناں نوں تے اوہناں دے سنگی کھوجیاں نوں گھوڑیاں دے دنداں دی بڻتر دے مطالعے وچ کئی انج دیاں ارتقائی بدلیاں دے ثبوت ملے، جیہناں موجب ایہناں پسواں نے آپڻی غذائی عادتاں وچ بدلی دا کم کوئی اک ملین سال پہلوں پورا کر لیا سی۔

ایس کھوج وچ ماہراں نے براعظم اُتری امریکہ وچ گھوڑیاں دیاں 70 توں بہتا ناپید قسماں دے نمائندہ 6500 توں بہتے جانوراں دے دنداں دے ایہناں نمونیاں دا معائنہ کیتا جیہڑے کروڑاں سال لنگھ جاڻ دے مگروں ہڻ چھڑا 'فوسلز' دی حالت وچ ہی ملدے نیں۔ ایہناں ماہراں موجب اوہناں نوں 55.5 ملین سال پہلوں دے زمانے دی، دھرتی تے گھوڑیاں دی جیہڑی پہلی قسم دی رہند کھوہند ملی ہے اوہ چھڑا پھل تے سبزیاں ہی کھاندیاں سی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels