Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> حمل ڈیگڻ نال زنانیاں کئی سال ڈپریشن وچ رہندیاں نیں

حمل ڈیگڻ نال زنانیاں کئی سال ڈپریشن وچ رہندیاں نیں

وچار ڈیسک
March 4th, 2011

امریکہ تے برطانیہ دی اک پرکھ موجب حمل ڈیگڻ دے اثر ماں تے کئی سال رہندے نیں۔ برطانوی سائنسی اخبار وچ چھپن والی رپورٹ موجب دوجے بال دے جمڻ دے مگروں وی انج دیاں ماواں کئی واری ڈپریشن تے چنتا دا شکار رہندیاں نیں۔

13000 ماواں نوں پرکھڻ توں مگروں چھپن والی رپورٹ موجب کسے وی عورت وچ ڈپریشن دیاں علامتاں نوں پرکھ دیاں ہوئیاں ایہدے گذریل حمل تے اوہدے نال جڑے حالات تے وی گوہ کیتا جاڻا چاہی دا۔

زنانیاں وچ اسقاط حمل نال بال گوا دیڻا عام گل ہے۔ کھوج موجب ہر پنجاں وچوں اک حمل ضائع ہوجاندا ہے جدوں کہ ہزار زنانیاں وچوں پنجاں دے گھر مرے ہوئے بال جم دے نیں۔

سروے موجب ایہہ گل ساہمنے آئی ہے پئی جیہڑیاں زنانیاں دا حمل ڈگ جاندا ہے کئی واری اوہ دوجی واری ماں بڻ دے ویلے ڈپریشن تے بے دلی دا شکار ہوجاندیاں نیں پر ایس گل تے کھوج گھٹ ہی کیتی گئی ہے پئی کیہ اک صحت مند بال دے جمڻ دے مگروں ایہہ ڈپریشن مک جاندا ہے۔

امریکی تے برطانوی سائنسداناں دی اک ٹیم نے پچھلیاں پرکھاں دے مڈھ تے ایس کھوج نوں اگے ودھاؤندیاں ہوئیاں ایہہ ویکھن دی کوشش کیتی پئی کیہ دوجے حمل نال اک صحت مند بال جمڻ دے مگروں وی ایہہ ڈپریشن تے چنتا جاری رہندی ہے۔

جدوں انج دیاں زنانیاں نوں پرکھیا گیا تے پتہ لگیا پئی دوجا بال جمڻ دے کوئی تن سال مگروں تیکر انج دیاں کجھ زنانیاں ڈپریشن دا شکار رہندیاں نیں۔

پرکھن والی ٹیم دے پردھان پروفیسر جین گولڈن دا کہنا ہے ' عام طور تے ایہہ سمجھیا جاندا ہے جو حمل ڈیگڻ دے مگروں دوجے حمل نال اک صحت مند بال دے جمن دے مگروں زنانی حمل ڈیگڻ نال کھون والے بال دے ہرکھ نوں بھل جاندی ہے۔ پر ساریاں زنانیاں دے نال انج نہیں ہوندا جیہدے نال ایس زنانی تے اوہدے گھر والیاں لئی مسئلے پیدا ہوجاندے نیں۔

ماہراں دا کہنا ہے جے انج دیاں زنانیاں تے اوہناں دے دوجے حمل وچ اُچیچی توجہ دتی جاوے تے ایہہ ماں تے ہوڻ والے بال دوہواں لئی چنگا ہووے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels