Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> پڑھائی بلڈ پریشر گھٹ کردی ہے

پڑھائی بلڈ پریشر گھٹ کردی ہے

وچار ڈیسک
February 28th, 2011

امریکہ وچ کیتی جاڻ والی اک کھوج موجب بہتا چر پڑھن نال بھاویں امتحان دیڻ دا دبا تے رہندا ہے پر جسم وچ خون دا دبا ٹھیک ہو جاندا ہے۔

ہائی بلڈ پریشر، یاں ہائیپرٹینشن پاروں دل دا دورہ فالج دا حملہ یاں گردے ناکام ہو جاندے نیں۔ بی ایم سی پبلک ہیلتھ وچ چھپڻ والی اک کھوج موجب ایہدا سانگا مرداں نالوں بہتا زنانیاں نال ہوندا ہے۔

برٹش ہارٹ فاؤنڈیشن دا کہڻا ہے جو کھوج دل دی بماری تے غریبی وچ سانگے نوں ظاہر کردی ہے۔

وڈیاں جماعتاں تیکر پڑھن نال دل دی بماری دا خطرہ گھٹ رہندا ہے۔ کھوجیاں دا خیال ہے جو ایہدا کارن بلڈ پریشر ہو سکدا ہے۔

کھوج لئی 3890 بندیاں دا پچھلے 30 سال دا ڈیٹا ویکھیا گیا۔ لوکاں نوں تن ڈھاڻیاں وچ ونڈیا گیا جیہدے وچ گھٹ تعلیم ( باراں سال یاں گھٹ عمر)، درمیانی تعلیم ( تیراں سال توں سولاں سال تیکر) تے اعلیٰ تعلیم ( ستاراں سال تے بہتی) ورگے گروپ بڻائے گئے۔

ایہدے مگروں 30 سال دا اوسط سسٹو تیکر بلڈپریشر کڈھیا گیا۔

گھٹ پڑھیاں زنانیاں دا بلڈ پریشر 3.26 ایم ایم ایچ جی سی جیہڑا کہ چنگی تعلیم والیاں توں بہتا سی۔ مرداں وچ ایہہ فرق 2.26 ایم ایم ایچ جی سی۔

تماکھو پیڻا، بلڈ پریشر دیاں دوائیاں ورتڻا تے شراب پیڻ دا وی اثر ویکھیا گیا تے اوہناں دا اثر وی خون دے دبا تے رہیا پر بہت گھٹ۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels