Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> نکے بالاں دا جھوٹ، ماپے غصہ نہ کرن

نکے بالاں دا جھوٹ، ماپے غصہ نہ کرن

وچار ڈیسک
February 27th, 2011

نکے بالاں دا جھوٹ جے پھڑیا جاوے تے اوہناں دے ماپیاں نوں اوسے ویلے ہی غصہ ظاہر نہیں کرنا چاہیدا تے نہ ہی فکر کرنا چاہیدا ہے سگوں اوہ کارن لبھڻے چاہیدے نیں جیہناں پاروں بال جھوٹھ بولڻ تے مجبور ہوئے نیں۔

' اوہ میں نہیں کیتا' یاں ' میں دند برش کر لئے نیں ' ایہہ اوہ نکے نکے جھوٹ نیں جیہڑے بال کئی واری بولدے نیں تے ایہہ بچپنے دا حصہ ہوندے نیں ایس صورتحال وچ ماپیاں نوں ایہہ جانڻا ضروری ہے پئی بال انج دے جھوٹ ایس لئی بولدے نیں کیوں جو اوہناں نوں سزا دا ڈر ہوندا ہے۔ ایس لئی ماپیاں نوں ایس اُچیچی حالت وچ بالاں دے نال سخت ورتارا نہیں ورتڻا چاہیدا سگوں ایہہ گوہ کرنا چاہیدا ہے پئی اوہ کیہ کارن نیں جیہناں پاروں بال جھوٹ بول رہیا ہے۔

بالاں دے ماہر نفسیات دا کہڻا ہے جو ایس صورتحال وچ الزام لاؤڻا لمیاں لمیاں بحثاں یاں فیر کرڑیاں سزاواں دیڻا چنگا نہیں تے ایہناں طریقیاں نال کامیابی نہیں ہو سکدی۔ ماہر نفسیات کہندے نیں پئی ہر جھوٹ دے پچھے اک نیت ہوندی ہے تے ماپیاں نوں اوہنوں لبھڻ دی لوڑ ہے۔

کئی ماپے خیال کردے نیں جو جھوٹ بولڻا غلط ہے پر بالاں دے نال جدوں اوہنوں پہلا نظریہ بڻا لیا جاوے تے صورتحال وگڑ سکدی ہے۔

جرمن ماہر نفسیات موجب سچ دے نال کھیڈڻا نکے بالاں دی حیاتی دا اک حصہ ہوندا ہے پر جدوں ایہہ صورتحال خطرناک ہو جائے، تاں ماپیاں نوں نوٹس لیڻا چاہیدا ہے۔ اوہ کہندیاں نیں جو چار سال دی عمر تیکر بالاں نوں سچ تے جھوٹ وچ فرق پتہ نہیں ہوندا تے ایس عمر دے بال صورتحال نوں پورا نہیں سمجھدے۔ کیرن کہندیاں نیں جو پنج تے چھ سال دی عمر وچ بالاں نوں سچ تے جھوٹ دے بارے جاڻکاری ہوڻا شروع ہوندی ہے۔

گوئنتر کہندے نیں پئی سچ دسڻ تے بالاں نوں ہلا شیری دیڻی چاہیدی ہے۔ اوہناں دے خیال وچ بالاں وچ ایہہ ہمت پیدا کرنی چاہیدی ہے پئی اوہ سچ بولڻ تے آپڻیاں غلطیاں منڻ۔ ایہو اوہ شے ہے جیہڑی بھلک نوں اوہناں لئی چنگی ثابت ہوندی ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels