Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ہر سال شراب نال 25 لکھ بندے مر جاندے نیں

ہر سال شراب نال 25 لکھ بندے مر جاندے نیں

وچار ڈیسک
February 13th, 2011

صحت دے عالمی ادارے نے شراب گھٹ ورتڻ تے زور دتا ہے جیہدے کارن ہر سال پنجھی لکھ لوک مر جاندے نیں۔ ادارے دی اک نویں رپورٹ وچ ایس گل دی دس پائی گئی ہے پئی ہر سال دنیا دیاں چار فیصد موتاں شراب دی غلط ورتوں پاروں ہوندیاں نیں۔

عالمی ادارہ صحت دا کہڻا ہے جو دنیا دیاں ساریاں متعدی تے غیر متعدی بماریاں نال ہوڻ والیاں موتاں دا تیجا وڈا کارن الکوحل نوں غلط ورتڻا ہے۔

رپورٹ وچ دسیا گیا ہے جو شراب پاروں ہوڻ والیاں موتاں وچ نشے دی حالت وچ گڈی چلاؤڻا تے پھٹڑ ہوڻا، کینسر، معدہ، دل دی بماری تے فالج رلتی نیں۔ رپورٹ موجب شراب دی لت دو سو بماریاں دا کارن وی بڻدی ہے۔

رپورٹ توں پتہ لگدا ہے جو عالمی طور تے مرداں وچ 6 فیصد موتاں شراب دے بہتا ورتڻ پاروں ہوندیاں نیں۔ جدوں کہ ایہدے مقابلے وچ 1 فیصد زنانیاں ایس کھاتے آؤندیاں نیں۔ دسیا گیا ہے جو روسی فیڈریشن تے اوہدے گوانڈھی ملکاں وچ پنجاں وچوں اک مرد دی موت دا کارن شراب پیڻا ہے۔

صحت دے عالمی ادارے وچ دماغی مرضاں تے صحت بارے محکمے دے ڈائریکٹر شیکھر سکسینا نے کہیا ہے جو دنیا دے کجھ علاقیاں وچ جواناں دی اک تہائی موتاں دا کارن شراب ہے۔

رپورٹ وچ کہیا گیا جو 2005 وچ عالمی طور تے 15 سال تے ایہدے توں بہتی عمر وچ خالص شراب دی ورتوں فی کس 6.13 لٹر سی۔بھاویں شراب بہت لوک پیندے نیں پر ادارے نے دسیا ہے جو ہڻ وی وڈی گڻتی شراب نہیں پیندی۔ نویاں اطلاعواں موجب 2005 وچ ادھے توں بہتے مرد تے دو تہائی زنانیاں نے شراب نہیں ورتی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels