Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> دنیا دا ہر تیجا بندہ انٹرنیٹ تے

دنیا دا ہر تیجا بندہ انٹرنیٹ تے

وچار ڈیسک
January 27th, 2011

سارے جگ وچ انٹرنیٹ ورتڻ والیاں دی گڻتی دو ارب دی ریکارڈ پدھر تے اپڑ گئی ہے۔ ایہہ گل اقوام متحدہ دی ٹیلی کمیونیکیشن ایجنسی دے پردھان حمادون تورے نے بدھ نوں دسی۔

اقوام متحدہ دی انٹرنیشنل ٹیلی کمیونیکیشن یونین دے سیکرٹری جنرل نے میڈیا نوں دسیا پئی موبائل فون کنکشنز دی گڻتی وی پنج ارب دی حد ٹپ گئی ہے۔ تورے موجب سال 200 ء دے شروع وچ موبائل فون کھپتکاراں دی گڻتی اُکا 50 کروڑ سی جدوں کہ انٹرنیٹ ورتڻ والیاں دی گڻتی 25 کروڑ دے نیڑے سی۔

ایس ایجنسی ولوں آن لائن پیش کیتے حساب موجب سال 2010 دے مکڻ تیکر انٹرنیٹ ورتڻ والیاں دی گڻتی 20.8 بلین تیکر اپڑ گئی۔ جدوں کہ ایہدے نال پورے اک سال پہلوں ایہہ گڻتی 1.86 بلین سی۔ ایس حساب موجب پچھلے سال دے مکڻ تیکر سارے جگ وچ موبائل فون کنکشنز دی گڻتی 5.28 بلین سی۔ سال 2009 دے مکڻ تیکر ایہہ گڻتی 4.66 بلین سی۔

آئی ٹی یُو دے حساب موجب دنیا دی کل آبادی 6.8 بلین وچوں ہر تیجا بندہ انٹرنیٹ ورتدا ہے۔ رپورٹ موجب اوہناں وچوں 57 فیصد بندیاں دا سانگا ترقی پذیر ملکاں نال ہے۔ فکس لائن براڈ بینڈ انٹرنیٹ کنکشنز دی گڻتی 2010 دے مکڻ تیکر 555 ملین جدوں کہ موبائل براڈبینڈ سبسکرپشن 940 ملین دا ہندسہ پار کر گئی ہے۔

دوجے پاسے فکسڈ ٹیلیفون لینڈ لائن دی گڻتی مسلسل چوتھے سال وی گھاٹ ول جا رہی ہے۔ تے پچھلے سال دے مکڻ تیکر ایہہ اک اعشاریہ دو بلین توں وی تھلے آگئی ہے۔

آئی ٹی یُو دے ڈیٹا موجب انٹرنیٹ ورتڻ والیاں دی سب توں بہتی در یورپ وچ ہے جیہدے مگروں امریکہ تے عرب ملکاں دا نمبر آؤندا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels