Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> بہتا چر ڈیسک تے بیہڻا صحت لئی چنگا نہیں

بہتا چر ڈیسک تے بیہڻا صحت لئی چنگا نہیں

وچار ڈیسک
January 13th, 2011

اک کھوج موجب کم کردے ویلے آپڻی ڈیسک توں اُٹھڻا لک نوں گھٹ رکھڻ تے دل لئی بہت چنگا ہے۔ آسٹریلیا دی کوئنزلینڈ یونیورسٹی دی کھوج وچ کہیا گیا ہے جو آپڻی ڈیسک توں کھلو جاڻا، ایدھر اودھر پھرنا یاں پوڑیاں لتھڻا چڑھنا بھاویں اک ہی منٹ لئی کیوں نہ ہووے صحت لئی چنگا ہے۔

کھوج دے آہری موجب پڻ چھاڻ وچ ایہہ پتہ لگیا ہے پئی جیہڑے لوک آپڻی میز تے بہتا چر بیٹھے رہندے نیں اوہناں دا لک موٹا ہو جاندا ہے اتے ایچ ڈی ایل کولیسٹرول جیہڑا صحت لئی چنگا ہے اوہ وی گھٹ جاندا ہے۔

کھوج وچ پتہ لگا ہے پئی جے تسیں اک منٹ لئی وی کھلو جاؤ تے اوہ وی صحت لئی چنگا ہووے گا جے بہتا چر بیٹھے رہن توں ولایا جاوے تے کجھ چر توں مگروں اپنی تھاں توں اٹھڻ نوں دفتر وچ ماحول دا حصہ بڻا لیا جاوے، تے کجھ چر لئی اٹھڻ نال کم وچ حرج وی نہیں ہووے گا۔

ایس کھوج لئی 4757 بندیاں دی جاڻکاری اکٹھی کیتی گئی جیہناں دیاں عمراں 20 سال یاں ایہدے توں بہتیاں سڻ۔

ایس کھوج وچ حصہ لیڻ والے بندیاں نے اک نکا جہیا آلہ پایا جیہدے نال پیدل تے نسڻ دی ورزش تے اکھ رکھی گئی۔ ایہناں بندیاں دی کمر نوں مڻیا گیا، بلڈ پریشر، کولیسٹرول لیول وی لیا گیا۔

ایس کھوج وچ رلتی برطانوی ہارٹ فاؤنڈیشن دی اک وڈی نرس ایمی تھامسن دا کہنا ہے جے تسیں دفتر وچ او تے ایہہ بہت ضروری ہے پئی تسیں ای میل دی تھاں آپوں اوس بندے دی ڈیسک تے جاؤ تے سنیہا دیو تے لفٹ دی تھاں پوڑیاں ورتو۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels