Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> بائیوڈائیورسٹی بارے جانکاری بہت ضروری

بائیوڈائیورسٹی بارے جانکاری بہت ضروری

وچار ڈیسک
December 12th, 2010

اسلام آباد وچ پاکستان میوزیم آف نیچرل ہسٹری نباتات، حیوانات تے ارضیات دے حوالے نال کھوج تے جانکاری دا کم کر رہیا ہے۔ میوزیم وچ لوکاں دی جانکاری لئی تصویراں تے ہور نمونے رکھے گئے نیں جیہناں نال ایس علاقے وچ پائے جان والے حیاتیات تے زمینی دوراں نوں ظاہر کیتا گیا ہے۔

ایس ادارے دے پردھان ڈاکٹر ایس اظہر حسن نے وسیلیاں نوں دسیا جو دنیا نوں چھ حیاتی جغرافیائی حصیاں وچ ونڈھیا گیا ہے تے پاکستان ایس حساب نال سب توں اہم ہے پئی اوہناں وچوں تن پاکستان وچ نیں۔ ملک دے اُتری حصے وچ پائے جان والے نباتات تے حیوانات دیاں کئی قسماں یورپ وچ پائے جان والے پودیاں تے حیوانات نال بہت رلدیاں ملدیاں نیں سارے جگ توں سائنسدان تے کھوجی ایتھے آؤندے نیں تے کھوج کڈھ دے نیں۔

اوہناں نے دسیا پئی اوہناں دے میوزیم دے بنن توں پہلوں ایتھے آؤن والے سائنسدان ایہناں علاقیاں چوں وڈی گنتی وچ نمونے تے فوسلز اپنے ملک لے جاندے سن تے سارے جگ دے کئی ملکاں وچ نیچرل ہسٹری دے عجائب گھراں وچ ایہہ نمونے رکھے ملن گے۔

ڈاکٹر حسن دا کہنا سی پئی بائیوڈائیورسٹی بارے جانکاری بہت ضروری ہے کیوں جو ایہہ تنے شعبے اک دوجے لئی بہت ضروری نیں۔ اوہناں نے دسیا پئی انسانی آبادی تے لوڑاں ودھن نال ایہناں قدرتی وسیلیاں تے بھار پے رہیا ہے تے ایہہ گھٹ ہورہے نیں تے لوڑ ایس گل دی ہے ایہدے تے سنجیدگی نال توجہ دتی جاوے نہیں تاں ہور انساناں دا وجود خطرے وچ پے جاوے گا۔

نیچرل ہسٹری میوزیم جتھے ملک وچ کھوج کرن والیاں لئی مدد گار ثابت ہورہیا ہے اوتھے لوکاں وچ ایہناں سائنسز بارے جانکاری پیدان کرن والیاں لئی مدد گار ثابت ہورہیا ہے ۔

سکول تے کالج دے پڑھیار تے استاداں لئی سیمینار تے مذاکرات ترتیب دین دے اڈ ایہہ ادارہ اوہناں نوں انج کئی تھاواں دی سیر وی کرواؤندا ہے جیہڑی بائیوڈائیورسٹی نوں سمجھن لئی ضروری ہے۔ ڈاکٹر حسن دا کہنا سی جو گلوبل وارمنگ پاروں ہون والیاں ماحولیاتی بدلیاں دا وڈا کارن ایہو ہے جو لوک نیچر توں دور ہوندے جارہے نیں تے ایس پاسے توجہ نہیں دے رہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels