Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> پین دا گندہ پانی صاف کرن لئی 'ٹی بیگ'

پین دا گندہ پانی صاف کرن لئی 'ٹی بیگ'

وچار ڈیسک
November 22nd, 2010

سارے جگ وچ اک ارب توں بہتے بندیاں نوں پین دا صاف پانی نہیں ملدا۔ دکھنی افریقہ دی اسٹیلن بوش یونیورسٹی دے سائنسداناں نے ہن اک انج دا واٹر فلٹر بنایا ہے جیہڑا بے شمار بندیاں نوں موت دے مونہہ وچ جان توں بچا سکدا ہے۔

صاف پانی دی تھوڑ انج دیاں کئی بماریاں دا کارن بن دی ہے جیہناں توں عام طور تے سوکھیاں ہی بچیا جا سکدا ہے۔ دکھنی افریقہ وچ بنایا جان والا ' واٹر فلٹر' ویکھن وچ اک ' ٹی بیگ ' یعنی اُس تھیلی ورگا ہے جیہدے وچ چاء دی پتی ہوندی ہے۔

ایس فلٹر دی صنعتی پدھر تے تیاری توں پہلوں اسٹیلن بوش یونیورسٹی دی مائیکرو بائیالوجسٹ میئرلیز بوتھا چھیکڑلا ٹیسٹ شروع کر رہی ہے اوہ پلاسٹک دی بوتل وچ موجود ادھے لٹر پانی نوں اک نکے ٹی بیک دے فلٹر چوں لنگھاؤندی ہے۔ مگروں پانی دے نمونے نوں پرکھیا جاندا ہے۔ ایہہ فلٹر ایسے یونیورسٹی دی تریہہ مربع میٹر سائز دی لیبارٹری وچ بنایا گیا ہے۔

چاء دی تھاں تھیلی وچ افزودہ کاربن بھر دتی جاندی ہے جیہڑی پانی وچوں نقصان دین والے مادیاں نوں وکھرا کر دیندی ہے۔ فلٹر دے کاغذ تے جراثیم مارن والے مادے لا دتے جاندے ہین انج اک واری ورتیا جان والا ایہہ فلٹر ہر طرحاں دیاں پلاسٹک دیاں بوتلاں تے لایا جا سکدا ہے تے ایہہ بیکٹیریا نوں وکھرا ای نہیں کردا سگوں اوہنوں ماردا وی ہے۔ ایہنوں دنیا دے وکھو وکھ حصیاں وچ ونڈنا وی سوکھا ہووے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels