Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> موٹے بندیاں دی سنگھن دی حس تیز ہوندی ہے

موٹے بندیاں دی سنگھن دی حس تیز ہوندی ہے

وچار ڈیسک
November 17th, 2010

اک سائنسی کھوج موجب موٹاپے دا شکار لوکاں وچ کھان دی خوشبو سنگھن دی خوبی دوجے لوکاں دے مقابلے وچ بہتی ہوندی ہے۔ ایہہ رپورٹ کیمیکل سینسیز ناں دے سائنسی رسالے وچ چھپی ہے۔برطانیہ دی پورٹ سمتھ یونیورسٹی وچ کھوجیاں دا کہنا ہے پئی اوہناں دے مڈھلے مطالعے نال ایہو پتہ لگدا ہے پئی کجھ لوکاں نوں پتلا رہن لئی جفر کیوں جالنے پیندے نیں۔

برطانیہ وچ جواناں دی اک چوتھائی آبادی اوبیسٹی یاں موٹاپے دا شکار ہے تے ڈاکٹراں نوں ڈر ہے پئی بھلک نوں ایہدی گنتی ودھے گی۔ ماہراں موجب بہتا کھانا تے گھٹ ورزش کرنا موٹاپے دا اک وڈا کارن ہے پر سائنسدان ایہہ پتہ لاؤن دی کوشش کر رہے نیں جو اوہ مڈھلے کارن کیہ نیں جیہناں پاروں وزن ودھدا ہے۔

ایسے لئی ڈاکٹر لورینزو سٹیفورڈ تے اوہناں دی ٹیم نے ایہہ پتہ لاؤن دی کوشش کیتی پئی کیہ موٹاپے دا سانگا ایس گل نال ہوسکدا ہے پئی موٹے لوکاں وچ کھان دی خوشبو سنگھن دی خوبی بہتی ہوندی ہے مطلب کیہ اوہناں وچ سنگھن دی حس بہتی طاقتور ہوندی ہے۔

کھوج نال ایہہ گل وی پتہ لگی پئی لوک جدوں بھکھے ہون اوہدے مقابلے وچ روٹی کھان دے مگروں کھان دی خوشبو نوں چنگی طرحاں سنگھ سکدے نیں۔ سائنسداناں نوں حالی ایہہ پتہ نہیں لگیا پئی ڈاکٹر سٹیفورڈ دا خیال ہے پئی ایہدے پاروں اک انج دا طاقتور نظام ہوسکدا ہے جیہدا مقصد بندے نوں لوڑ نالوں ودھ کھان توں روکنا ہووے۔

ڈاکٹر سٹیفورڈ دا مننا ہے پئی کیوں جو موٹے لوکاں نوں کھان دی خوشبو بہتی تیز آؤندی ہے ایس لئی اوہ اپنے آپ نوں روک نہیں پاؤندے حالانکہ اوہناں دا ڈھڈ بھر گیا ہوندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels