Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> چین نے پہلا وڈا مسافر جیٹ بنا لیا

چین نے پہلا وڈا مسافر جیٹ بنا لیا

وچار ڈیسک
November 17th, 2010

چین نے آپوں بنایا ہویا پہلا وڈا مسافر جہاز پیش کر دتا ہے۔ ایس جہاز دی تیاری دے مگروں ہن چین دو وڈیاں کمپنیاں بوئنگ تے ایر بس نال عالمی منڈی تیکر اپڑ لئی مقابلہ کرے گا۔

چین دی کمرشل ائیر کرافٹ کارپوریشن دا بنایا '' سی 919 ''جیٹ لائنز دا مڈھلا ماڈل منگل نوں چینی شہر زوہوئی وچ چلدی اک نمائش وچ پیش کیتا گیا۔ چینی جہاز بناؤن والی کمپنی دا کہنا ہے جو اوہنوں تن مقامی ائیر لائنرز ۔ ائیر چائنا، چائنا سدرن ائیر لائنز تے چائنا ایسٹرن ائیر لائنز۔ولوں سو '' سی 919'' جہاز دین دے آرڈر وی مل گئے نیں۔

150 مسافراں دی گنجائش والا چینی بنیا جیٹ لائنز یورپین جہاز بناؤن والی کمپنی ائیر بس دے بنائے ہوئے اے 320 تے امریکی بنے ہوئے بوئنگ 737 دے بدل دے طور تے پیش کیتا گیا ہے۔

چینی جہاز بناؤن والی کمپنی دا کہنا ہے جو نویں جہاز دی پہلی آزمائشی اُڈاری 2014 وچ ماری جاوے گی جیہدے دو سال توں مگروں جہاز دی کمرشل سیل شروع کر دتی جاوے گی۔

چینی کمپنی نوں آس ہے پئی اوہ سارے جگ دی ائیر لائنز نوں اگلے ویہہ سالاں وچ '' سی 919 '' ماڈل دے دو ہزار جہاز ویچن وچ کامیاب ہو جاوے گی۔ ایہدے توں پہلوں کمرشل ائیر کرافٹ کارپوریشن آف چائنا نوں اپنے بنائے اک نکے مسافر بردار جہاز اے آر جے 21 لئی سارے جگ دے ریکارڈ آرڈر ملے سن۔ اے آر جے 21 دے خریداراں وچ جہازاں دی لیزنگ دین والی مشہور امریکی کمپنی جی ای کیپٹل ایوی ایشن سروسز وی رلتی نیں۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels