Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> جاگدیاں اکھاں دے سُفنے

جاگدیاں اکھاں دے سُفنے

وچار ڈیسک
November 13th, 2010

امریکی کھوج موجب لوک جاگدیاں ہوئیاں ادھا کُو ویلا اوہ کجھ ہور وچار رہے ہوندے نیں جدوں کہ کم کجھ ہور کر رہے ہوندے نیں۔ ایس کاہڈ لئی 2200 جیاں نے اپنے آئی فون تے سوفٹ ویئر ڈاؤن لوڈ کیتا تے ایہدے راہیں ایس کاہڈ وچ حصہ لیا۔

ہارورڈ یونیورسٹی دے سائنسداناں دی ایس کھوج توں پتہ لگیا ہے پئی جے لوک بڑا ہی توجہ منگن والا کم وی کر رہے ہون تے اوہ ایس کم تے لائے گئے ویلے دا 30 فیصد ویلا اوہ کجھ ہور وچار رہے ہوندے نیں۔

برطانوی ماہر دا وی کہنا ہے جو ایس سلسلے وچ پہلوں کیتی گئی پن چھان توں وی ایہو پتہ لگیا ہے جو لوک کر کجھ رہے ہوندے نیں تے اوہناں دا دماغ کِتے ہور ہوندا ہے۔ ایس کھوج وچ حصہ لین والیاں دی اجازت سی پئی کھوج لئی اوہناں نال رابطہ کیتا جا سکدا ہے تے اوہ دسدے سن جو اوہ ایس ویلے کیہ کر رہے نیں تے کیہ اوہ ایس کم بارے ہی وچار رہے نیں یاں نہیں تے ایہہ کم کردیاں ہوئیاں خوش نیں یاں ناخوش۔

سوادی گل ایہہ ہے جو کجھ لوکاں نے ایس کھوج وچ اودوں وی حصہ لیا جدوں اوہ سیکس کر رہے سن۔ کاہڈواں نے ڈھائی لکھ سیمپل توں ایہہ نتیجہ کڈھیا پئی بائیاں جیاں نے جاگدے ویلے اپنا 46.9 فیصد ویلا کجھ ہور وچار دیاں ہوئیاں لنگھایا۔

ایس کھوج وچ رلتی ڈاکٹر میتھیو نے کہیا لوک جو وی کر رہے ہون اوہناں دا دماغ کِتے ہور ہوندا ہے۔ سروے وچ ایہہ وی پتہ لگیا ہے پئی جے لوک خوش نیں تے اوہناں دے دماغ وچ کجھ ہور خیال گھٹ ویلے لئی آؤندے نیں۔ تے جے لوک خوش نہیں ہوندے اوہ بہتا ویلا کجھ ہور سوچن وچ لاؤندے نیں۔

کھوج وچ پتہ لگیا ہے جو لوک بہتا ویلا خوش یاں تے ورزش کردیاں ہوئیاں ،گل بات کردیاں یاں سیکس کردیاں ہوئیاں ہوندے نیں ۔ دوجے پاسے دکھی لوک آرام کردے، کم کردے یاں فیر کمپیوٹر ورت دیاں ہوئیاں ہوندے نیں۔ پر ایس کھوج نال ایہہ گل ثابت نہیں ہوئی پئی کجھ ہور سوچنا ناخوش رہن دا کارن ہے یاں ناخوش ہون دے سٹے وچ ہوندے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels