Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> بہتے ایس ایم ایس کرنا بالاں دی صحت لئی چنگا نہیں

بہتے ایس ایم ایس کرنا بالاں دی صحت لئی چنگا نہیں

وچار ڈیسک
November 10th, 2010

اک امریکی ڈاکٹر نے جوان بالاں دے ماپیاں نوں خبردار کیتا ہے جو بہتے ایس ایم ایس گھلنا بالاں دی صحت لئی چنگے نہیں ہے۔ ڈاکٹر سکاٹ فرینک نے اک کانفرنس وچ دسیا جو جوان بال اک دن وچ اک سو ویہہ ایس ایم ایس گھلدے نیں اوہناں دے شراب پین، سگریٹ پین تے سیکس کرن دا ڈر بہتا ہے۔

اوہناں نے دسیا کاہڈ موجب بہتے ایس ایم ایس کرنا تے سماجی ویب سائٹاں ورتن نال جوان بہتے خطرناک ورتارا ورت دے نیں۔ اک برطانوی ماہر دا کہنا ہے جو انٹرنیٹ بہتا ورتن والے جی پٹھے کماں ول بہتے اُلر دے نیں۔ ڈاکٹر سکاٹ نے چار ہزار ہائی سکول دے پڑھیاراں تے اپنی کاہڈ کیتی۔ ایہناں پڑھیاراں دیاں عمراں تیراں توں اٹھاراں ورھیاں وچکار سن۔

ایہناں پڑھیاراں وچوں ویہہ فیصد اوہ سن جیہڑے چھٹی دے دناں توں اڈ اک سو ویہہ توں بہتے ایس ایم ایس گھلدے سن۔ ایہناں پڑھیاراں دے رہن سہن تے معاشی پکھ نوں ویکھدیاں ہوئیاں ایہہ پتہ لگیا جو ایہناں پڑھیاراں دا سگریٹ تے شراب پینا نشہ لینا تے سیکس کرن دے امکان بہتے نیں۔

انج دا ورتارا اوہناں جواناں وچ وی ویکھیا گیا جیہڑے انٹرنیٹ بہتا ورت دے نیں۔ ڈاکٹر فرینک نے کہیا ''ایہہ ماپیاں لئی اک واننگ ہے پئی اوہ بالاں نوں گڈیاں چلاؤندیاں ہوئیاں ایس ایم ایس کرن توں روکن سگوں موبائل دا حدوں بہتا ورتنا تے انٹرنیٹ تے سماجی ویب سائٹاں تے وی بہتا ویلانہ لنگھاؤن دین۔"


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels