Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ہیکراں لئی گوگل ولوں انعام

ہیکراں لئی گوگل ولوں انعام

وچار ڈیسک
November 7th, 2010

گوگل ولوں ہیکراں نوں سزا دین دی تھاں اوہناں نوں انعام دین دا فیصلہ کیتا گیا ہے۔ مشہور سرچ انجن گوگل ولوں انج دے ہیکراں لئی انعاماں دا اعلان کیتا گیا ہے جیہڑے اوہدی ویب سائٹاں تے آن لائن سروساں وچ موجود گھاٹاں دا پتہ لاؤن گے۔ گوگل ولوں دو نومبر نوں کیتے جان والے اعلان موجب انج دیاں خرابیاں دا پتہ لاؤن والے لوکاں نوں پنج سو ڈالر توں لے کے 3,133 ڈالر انعام دتا جاوے گا۔

گوگل سیکورٹی ٹیم دے رکناں ولوں ایس جتھے دے بلاگ پوسٹ وچ کہیا گیا ہے جو اوہناں نوں یقین ہے پئی اوہناں دی ایہہ پیشکش نویں کمپوٹر ماہر لبھن توں اڈ انج دے مسئلیاں ول سینت مارن دا وی کارن بنے گی جیہناں دی مدد نال گوگل دے ورتن والے تے اوہناں دی آن لائن سیکورٹی نوں بہتا راکھواں بنایا جا سکدا ہے۔

گوگل موجب ایہہ نواں پروگرام ایہدے توں پہلوں گوگل دے ہی اوپن سورس براؤزر کروم دیاں گھاٹاں دی دس پاؤن لئی انعام دتے جان دے پروگرام دی کامیابی دے مگروں شروع کیتا گیا ہے۔ ایس سال دے شروع وچ کیتے جان والے ایس پروگرام وچ کروم براؤزر نوں چلاؤن والے کوڈ کرومیم وچ موجود وڈیاں خامیاں لبھن دا کہیا گیا سی۔

اعلان موجب اجوکے انعامی پروگرام وچ ہیکراں نوں گوگل ویب پراپرٹیز دیاں خامیاں لبھن دی صلاح دتی گئی یعنی گوگل ڈاٹ کام وچ موجود انج دے بگز یعنی خامیاں دا کھوج لاؤنا جیہناں پاروں انٹرنیٹ ورتن والیاں دے ذاتی ڈیٹا دی سلامتی نوں خطرہ ہو سکدا ہے۔

گوگل موجب انعامی رقم دا فیصلہ اُچیچا ایس مقصد لئی بنایا گیا اک پینل کرے گا۔ ہور ایہہ پئی ایہہ انعام پہلے آؤ پہلے پاؤ دے مڈھ تے دتے جان گے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels