Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> شراب ہیروئین توں بہتی خطرناک ہے

شراب ہیروئین توں بہتی خطرناک ہے

وچار ڈیسک
November 1st, 2010

اک رپورٹ موجب شراب پین دے نقصان ہیروئین توں وی بہتے ہوندے نیں۔ ایس رپورٹ دے لکھن والیاں وچ پروفیسر ڈیوڈنٹ وی رلتی نیں جیہناں نوں اکتوبر دو ہزار نو وچ سرکار نے کڈھ دتا سی۔

رپورٹ وچ ویہہ قسم دے نشے دے ورتن دے نقصان دسے گئے نیں۔ جیہناں وچ تماکو تے کوکین دے نقصان اکو جئے نیں۔ جدوں کہ ایسٹیسی تے ایل ایس ڈی دے نقصان کجھ گھٹ نیں۔ پروفیسر نٹ نے اپنے سرکاری عہدے توں نکلن دے مگروں وی نشے دے موضوع تے کم بند نہیں کیتا۔

اوہناں نے نشے تے اک آزاد سائنٹفک کمیٹی بنائی ایس کمیٹی نے ہر قسم دے نشے دے جسمانی تے ذہنی نقصاناں دے نال نال اوہدے عادی ہون، ایہدے بارے جرم تے معیشت تے پین والے اثراں دا گویڑ پیش کیتا۔

کھوج دے مگروں ساہمنے آیا جو ہیروئین ، کوکین تے میتھائل ایمفیائن لوکاں لئی بہتی نقصان دہ ہے۔ پر شراب، ہیروئن تے کوکین توں وی بہتی خطرناک ہے۔

جدوں دوہواں طرحاں دے نشے دے نقصاناں نوں اکٹھا کیتا گیا تے سب توں بہتے نقصان شراب دے ساہمنے آئے جدوں کہ ہیروئن تے کوکین دا نمبر شراب دے مگروں آیا۔

ایس رپورٹ دے دے بھید حکومت دے واہوا چر توں لاگو نشے دے درجہ بندی دے اُکا اڈ نیں۔ رپورٹ وچ کہیا گیا ایہہ بھیداں نے برطانیہ تے ہالینڈ وچ ایہدے توں پہلوں ایس سلسلے وچ ہون والے کم نوں اگے ودھایا ہے جیہدے نال ایس گل دی پک ہوندی ہے جو نشے دی درجہ بندی دا اجوکا نظام ایہدے نال ہون والے نقصاناں دے گویڑاں موجب نہیں ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels