Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> بناء ڈرائیور دیاں گڈیاں دی کامیاب آزمائش

بناء ڈرائیور دیاں گڈیاں دی کامیاب آزمائش

وچار ڈیسک
October 31st, 2010

ڈرائیور دے بناء چلن والیاں چار بجلی والیاں گڈیاں نے اٹلی توں چین تیکر اٹھ ہزار کلو میٹر آزمائشی سفر کامیابی نال پورا کر لیا ہے ایہناں گڈیاں دا پینڈا جمعرات نوں شنگھائی وچ جاری نمائش تے مکیا۔ ایہناں گڈیاں وچ سورج دی طاقت نال چلن والے لیزر سکینر تے ست ویڈیو کیمرے لگے نیں جیہڑے راہ وچ آؤن والیاں روکاں ول سینت مار کے گڈی نوں ٹکر توں بچاؤندے نیں۔

ایہہ گڈیاں سڑکاں نوں محفوظ رکھن تے نویں آٹوموٹو تکنیک دے سانجھے منصوبے ہیٹھ بنائیاں گئیاں نیں تے اوہناں تے لگے سنسر اوہناں نوں کئی قسم دیاں سڑکاں، ٹریفک تے موسمی حالات نال نبڑن دی خوبی دیندے نیں۔

اک کمپیوٹرائزڈ آرٹیفیشل وژن سسٹم جیہنوں 'گولڈ ' دا ناں دتا گیا ہے ایہناں سنسرز توں لئی گئی جانکاری دا تجزیہ کردا ہے تے آپنے طریقے نال گڈی دا پاسا تے رفتار متھ دیندا ہے۔ گڈی دا سٹرینگ اک کمپیوٹر کنٹرول کردا ہے۔

ایہناں گڈیاں دی مدد نال کھوج کرن والی یورپی کاہڈو کونسل دی اہزابیلا فریدگا دا کہنا ہے جو سانوں راہواں دا پتہ نہیں۔ سانوں نہیں پتہ جو سڑک کیویں دی ہووے گی یاں سانوں کِتھے چنگی سڑک، گھٹ یاں بہتی ٹریفک، ماہر یاں گھٹ مہارے والے ڈرائیور ملن گے۔ ایس لئی سانوں کئی شیواں نال نبڑنا پیندا ہے۔

بھاویں ایہناں گڈیاں وچ نہ تے کوئی ڈرائیور موجود سی تے نہ ہی ایہناں نوں نقشیاں دی مدد ملی سی پر کھوج کاراں نے ایہناں وچ مسافر دے طور تے سفر کیتا تاں جو ہنگامی حالات پیدا ہون دی حالت وچ حالات نوں وس وچ کر لیا جاوے۔ تجربے وچ کھوج کاراں نوں اودوں کنٹرول ہتھ وچ لینا پیا جدوں گڈیاں سڑکاں تے موجود ٹول سٹیشنزتے اپڑیاں۔

تجربے وچ گڈیاں دی بہتی توں بہتی رفتار سٹھ کلومیٹر گھنٹہ دے حساب نال رہی تے اوہناں نوں ہر دو توں تن گھنٹے دی ڈرائیونگ دے مگروں اٹھ گھنٹے تیکر ریچارج کیتا گیا سی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels