Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> کجھ لوکاں نوں شراب چھیتی کیوں چڑھ جاندی ہے ؟

کجھ لوکاں نوں شراب چھیتی کیوں چڑھ جاندی ہے ؟

وچار ڈیسک
October 22nd, 2010

امریکی کاہڈواں دا کہنا ہے جو اوہناں نے اُس جین دا پتہ لایا ہے جیہدے نال ایہہ پتہ لگ سکدا ہے پئی کئی لوکاں نوں دوجیاں دے مقابلے وچ شراب دا نشہ چھیتی کیوں ہوندا ہے۔

کاہڈوواں موجب دس توں ویہہ فیصد لوکاں وچ اوہ جین پایا جاندا ہے جیہدے نال اوہ شراب دی لت توں محفوظ رہندے نیں۔ کاہڈ موجب اوہ لوک جیہناں نوں نشہ چھیتی ہوندا ہے اوہناں دے نشئی بنن دے امکان گھٹ نیں۔ ایس کاہڈ دے پردھان نارتھ کیرولائنا یونیورسٹی دے پروفیسر کرک دا کہنا ہے ' جیہڑا جین اسیں دریافت کیتا ہے ایہدے نال سانوں ایہہ جانکاری ملی ہے پئی شراب پین دا دماغ تے کیہ اثر ہوندا ہے۔'

کاہڈ موجب بہتی شراب جگر وچ جاندی ہے پر کجھ شراب دماغ وچ CYP2E1 ناں دے جین تے اثر کردی ہے۔ کاہڈ موجب جیہڑے بندیاںنوں چھیتی نشہ ہوندا ہے اوہناں وچ CYP2E1 جین دماغ تے چھیتی اثر کرن وچ مدد کردا ہے۔

ایس کاہڈ وچ پڑھیاراں دے دو سو جوڑیاں نے حصہ لیا جیہڑے بھین بھرا سن۔ ایہناں جوڑیاں دے ماپیاں وچوں اک نوں شراب پین دی لت پئی ہوئی سی پر ایہناں پڑھیاراں نال انج دا مسئلہ نہیں سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels