Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ماحولیاتی مسئلے دوجا وڈا خطرہ

ماحولیاتی مسئلے دوجا وڈا خطرہ

وچار ڈیسک
October 16th, 2010

ماحولیاتی ماہراں دا کہنا ہے جو پاکستان نوں ات واد دے مگروں دوجا وڈا خطرہ ماحولیاتی خرابیاں دا ہے۔امریکی اخبار ' سائنٹفک امریکن' وچ چھپن والے اک مضمون وچ کہیا گیا ہے پاکستان وچ جولائی دے اخیر وچ آؤن والا ہڑھ وی ملک وچ ہون والی ماحولیاتی خرابیاں تے بدلیاں دا سٹہ سی۔

مضمون وچ پاکستان دے ماحول تے ڈوہنگی نظر رکھن والے ماحولیاتی انجینئر طارق یوسف زئی دے حوالے نال کہیا گیا ہے جو ماحولیاتی بدلیاں دا ایس ہڑھ وچ وڈا کردار رہیا ہے۔ اوہناں دا کہنا ہے جو پاکستان وچ ماحولیاتی مسئلیاں تے بہتی توجہ نہیں دتی جارہی ہے جدوں کہ اوہناں دے نیڑے پاکستان نوں پیش خطریاں وچ ات واد دے مگروں ماحولیاتی مسئلے دوجا وڈا خطرہ نیں۔

اوہناں کہیا جنگلاں دی وڈے پیمانے تے کٹائی پاروں پاکستان وچ ہڑھ دے ذخیریاں تے گزرگاہواں وچ چوکھی سلٹ بھر گئی ہے تے ' اجوکے ہڑھ وچ جتھے اندازاََ اک تہائی حصہ عالمی گرمی دا سی اوتھے جنگلاں دی کٹائی، اُتری علاقیاں وچ ناقص انفراسٹرکچر تے دکھن وچ آبپاشی دے نظام وچ انجینئرنگ دے مسئلے وی ایہدا بہت وڈا کارن نیں۔'

پاکستانی پربندھیاں دا مننا ہے جتھے ملک وچ جنگلاں دی کمی اک وڈا مسئلہ بندا جارہیا ہے اوتھے جنگلاں دے کٹاؤ پاروں دریاواں تے پانی دے ذخیریاں وچ جمع ہون والی سلٹ ایس مسئلے دی سنگینی ودھا رہی ہے۔

پاکستان دے ماحولیات دے وزیر حمید اللہ جان آفریدی موجب ' ماحولیاتی خرابیاں نال نبڑن دے خرچیاں وچ ہر لنگھدے سال دے نال وادھا ہورہیا ہے تے اک ویلا انج دا آوے گا جدوں ایہناں خرابیاں نوں وس وچ کرنا اوکھا ہووے گا۔'

اخبار موجب پاکستانی پربندھیاں دا کہنا ہے جو پاکستانی ماحول دی خرابی تے آبپاشی دی تکنیکی خرابیاں اجوکے نال ہون والی صرف تریہہ فیصد دی تباہی دی ذمے وار نیں جدوں کہ ماہراں موجب ہڑھ نال ہون والی تباہی دا ستر فیصد ایہناں خرابیاں پاروں ہویا ہے۔

مڈھلے گویڑاں موجب پاکستان وچ ہڑھ دے مارے نظام نوں پہلوں اپنے پیراں تے کھلیارن لئی دو سو ملین ڈالر چاہی دے نیں پر ماہراں دا کہنا ہے جو گلوبل وارمنگ پاروں پاکستان نوں آؤن والے دھاکیاں وچ جیہڑے طوفانی مینہ تے ہڑھ دا ساہمنا کرنا پے سکدا ہے ایہدے نال نبڑن لئی ڈیم تے رابطہ نہراں بناؤنا ویلے دی اہم لوڑ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels