Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ' کائنات بناؤن لئی رب دی لوڑ نہیں '

' کائنات بناؤن لئی رب دی لوڑ نہیں '

وچار ڈیسک
September 2nd, 2010

دنیا دے اک وڈے طبیعات دے ماہر سٹیون ہاکنگ نے کہیا ہے جو کائنات بناؤن لئی کسے بناؤن والے دا ہونا ضروری نہیں ہے۔ اوہناں اپنی اک نویں کتاب وچ کہیا پئی کائنات نوں بناؤن وچ رب دے کردار بارے اوہناں دا نظریہ بدل گیا ہے۔ تے ہن اوہ ایس نتیجے تے اپڑے نیں پئی ' بگ بینگ ' اُکا اک واپری سی یاں پہلوں توں پائے جان والے سائنسی یاں مذہبی عقیدیاں موجب رب دے حکم دا نتیجہ نہیں سگوں کائنات وچ موجود طبعی قانوناں دا بہت ضروری نتیجہ سی۔

اوہناں دا کہنا ہے پئی کائنات دا آپوں بننا یعنی بناء ارادے توں وجود وچ آؤنا ہی ایہہ دلیل ہے پئی پہلوں توں کجھ نہ کجھ ہے سی۔ سٹیون ہاکنگ اپنی نویں کتاب ' دی گرینڈ ڈیزائین ' وچ اپنے نظریئے دی دلالت کردے ہوئے لکھدے نیں پئی آفاق وچ موجود کشش ثقل دے قانون موجب دنیا بنا کسے مضبوط ارادے یاں منصوبے دے بن سکدی ہے۔

سٹیون ہاکنگ ہن کہندے نیں کائنات دے بنن وچ کسے ' ان ڈٹھے بناؤن والے ' دا خیال سائنس دے نظریاں نال میل نہیں کھاندا۔ ہاکنز دا ایہہ نواں نظریہ اپنے ہی پرانے نظریاں دی مخالفت ہی نہیں کر رہیا سگوں طبیعات دی دنیا دے اک وڈے ناں سرآئزک نیوٹن دے ایس نظریے دے وی الٹ ہے پئی کائنات لازمی طور تے رب دی بنائی ہوئی سی کیوں جو ایہہ کسے بے ترتیب تے کھلرے مادے توں نہیں بن سکدی سی۔

ایہدے الٹ ہاکنگ ہن کہندے نیں جو دنیا ، ایہدے وچ ساڈا آؤنا تے ساڈی حیات آپوں اک ثبوت ہے پئی دنیا کسے واپری دے سٹے وچ نہیں سگوں کسے شے دے ہون دا سٹہ سی۔

ہاکنگ نے 1988 وچ چھپن والی اپنی کتاب ' بریف ہسٹری ٹائم وچ کائنات دے بنن وچ رب دے وجود نوں ردیا نہیں سی سگوں لکھیا سی پئی دنیا دی وجودیت نوں سمجھن لئی اک ان ڈٹھے بناؤن والے دا خیال سائنسی قانوناں دا میل کھاندا ہے۔ ایہہ کتاب ایس ورہے وچ سب توں بہتی وکن والی کتاب سی۔

بھاویں اجوکی کتاب وچ دنیا دے وجود وچ آؤن بارے اوہناں دا نظریہ بدلیا ہے پر ہاکنگ رب دے وجود دے امکاناں توں انکاری نہیں سگوں رب دے '' خالق کائنات '' ہون دے خیال نوں رد کردے نیں۔

ہاکنگ نے ایس توں پہلوں ٹیلی ویژن تے گل بات کردیاں ہوئیاں کہیا سی جو '' تسیں سائنس دے قانوناں نوں ' رب ' آکھ سکدے او پر ایہہ تہاڈا کوئی انج دا رب نہیں ہووے گا جیہنوں تسیں مل سکو تے سوال کر سکو'۔


ہاکنگ نے ایہہ کتاب امریکہ دے ماہرطبیعات لیور نارڈ ملاڈینو دے نال رل کے لکھی ہے۔ ایہہ کتاب وسط وار ' ٹائمز ' اخبار وچ چھپ رہی ہے۔ سٹیون ہاکنگ پچھلے سال تیکر کیمرج یونیورسٹی وچ ' علم ریاضی ' دے پردھان سن ایہہ عہدہ ایس توں پہلوں سرائزک نیوٹن کول سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels