Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ایٹمی تجربیاں دے خلاف پہلا دیہاڑا

ایٹمی تجربیاں دے خلاف پہلا دیہاڑا

وچار ڈیسک
August 30th, 2010

اقوام متحدہ اج 29 اگست نوں ایٹمی تجربیاں دے خلاف پہلا بین الاقوامی دیہاڑا منا رہیا ہے۔ ایس دیہاڑے دا مقصد لوکاں دی توجہ ایس پاسے کراؤنا ہے پئی کئی دھاکیاں توں ہون والے ایٹمی تجزبیاں نے لوکاں تے ماحولیات نوں کنا تباہ کیتا ہے۔

ایہدا مقصد ایہہ وی ہے جو ایٹمی تجربیاں تے روک دے سمجھوتے ( سی ٹی بی ٹی) بارے حمایت نوں ہلاشیری دتی جاوے ، جیہدی بھاویں اک سو ترونجاہ ملکاں نے حمایت کیتی ہے پر فیر وی ایہنوں لاگو نہیں کیتا گیا۔

وسیلیاں موجب ایس دیہاڑے نوں مناؤن دی صلاح کازکستان نے پیش کیتی سی کیوں جو 61 سال پہلوں سویت یونین نے ایس زمین تے سب توں پہلا ایٹمی تجربہ کیتا سی۔ ایہدے مگروں اوتھے کوئی 456 ایٹمی تجربے کیتے گئے جیہدے نال جرمنی جنا وڈا علاقہ گندا ہو گیا تے پنج لکھ توں بہتیاں حیاتیاں تے صحت تے اثر پیا۔

1950 توں لے کے 20 صدی دے اخیر تیکر آسٹریلیا توں لے کے امریکہ تیکر زمین ہیٹھ سمندر ہیٹھ تے زمین دی پدھر تے ایٹمی ہتھیاراں دے ہزاراں تجربے کیتے گئے۔

ایٹمی ہتھیاراں تے روک دے سمجھوتے تے 153 ملکاں نے دستخط کیتے نیں پر ایہنوں لاگو نہیں کیتا جاسکیا کیوں جو امریکہ، چین، انڈیا، پاکستان، اسرائیل، ایران تے اُتری کوریا نے ایہنوں منظور نہیں کیتا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels