Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> کزن میرج وراثتی بماریاں ودھاؤن دا وڈا کارن

کزن میرج وراثتی بماریاں ودھاؤن دا وڈا کارن

وچار ڈیسک
August 25th, 2010

ویاہ کتھے کرنا چاہیدا ہے؟ ساکاں وچ یاں خاندان دے باہر دے لوکاں وچ؟ تے کیہ بہت نیڑلے ساکاں اُچیچا اوہناں خانداناں وچ جیہناں نال خون دا ساک وی ہووے۔ ویاہ کرنا ٹھیک ہے؟ ایہہ سوال ٹیلی گراف وچ چھپن والی اک اجوکی رپورٹ توں مگروں بڑا اہم ہو گیا ہے جیہدے وچ دسیا گیا ہے جو برطانیہ وچ ہر سال پیدا ہون والے گھٹو گھٹ ست سو معذور بالاں دا سانگا انج دے پاکستانی پردیسیاں دے گھرانیاں نال ہوندا ہے جیہناںدے ویاہ اپنے فرسٹ کزناں چاچے، مامے ، ماسی، پھپھی دے پتراں دھیاں نال ہوندا ہے۔

ویاہ حیاتی دا سب توں وڈا فیصلہ ہے تے طبی ماہر کہندے نیں ایہنوں بڑی سمجھداری نال کرنا چاہیدا ہے۔ کیوں جو فرسٹ کزناں وچ ویاہ نال معذور بال جمن دا ڈر دس گنا ودھ جاندا ہے۔ برطانیہ وچ پاکستانی نژاد گھراں وچ معذور بالاں دی ودھدی ہوئی جمن دی در نے ماہراں نوں چنتا وچ پا دتا ہے تے ایس مسئلے نال نبڑن لئی سنجیدگی نال سوچ رہے نیں۔

ماہراں دا کہنا ہے بالاں وچ جماندرو معذوری دا کارن عام طور تے جینیاتی ہوندا ہے۔ جے کسے خاندان وچ کوئی جینیاتی خرابی موجود ہووے تے خاندان وچ ویاہ نال ایہدا امکان ودھ جاندا ہے پئی دنیا وچ اکھ کھولن والا نواں بال اپنے نال کوئی ذہنی یاں جسمانی معذوری وی لے کے آوے۔

طبی ماہر کہندے نیں فرسٹ کزناں وچ ویاہ دے سٹے وچ انج دے بالاں دے جمن دا خطرہ عام حالات نالوں دس گناہ ودھ ہوندا ہے پئی اوہناں وچ کوئی جماندرو نقص ہووے اوہناں دے ویکھن سنن وچ کوئی خرابی ہووے۔ اوہ ذہنی طور تے معذور ہون یاں اوہناں وچ نظام ہضم دیاں خرابیاں ہون۔

ماہر کہندے نیں گھٹ عمر وچ ہی مرن والے بالاں دی سب توں بہتی در فرسٹ کزناں دے ویاہواں وچ ہے۔ اوہناں دا کہنا ہے جو انج دے بال جمن دے ویلے یاں اپنی عمر دے مڈھلے کجھ مہینیاں وچ مر جاندے نیں تے معذوری دے نال جمن والے بالاں وچ اک تہائی بال اپنی پنجویں سالگرہ مناؤن توں پہلوں ہی مر جاندے نیں۔

لہندے وسیب وچ فرسٹ کزناں وچ ویاہ نوں بڑا بھیڑا سمجھیا جاندا ہے جدوں کہ مشرقی ملکاں وچ، جتھے حیاتی دے ہر شعبے وچ ذات برادری نوں اہمیت دتی جاندی ہے کئی لوک فرسٹ کزناں وچ ویاہ نوں ترجیح دیندے نیں۔ پاکستان وچ جتھے فرسٹ کزناں وچ ویاہ دا رواج عام ہے بالاں دی معذوری دے حوالے نال حالی تیکر کوئی کھوج ساہمنے نہیں آئی، جے انج ہویا تے ہو سکدا ہے ایہدے نتیجے بڑے بھیڑے ہون۔


پر انج دے لوک وی اک وڈی گنتی وچ موجود نیں جیہڑے فرسٹ کزناں نال ویاہ دے حق وچ دلیلاں دا ڈگ لا سکدے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels