Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> قید توں چھٹن لئی باندر بندیاں توں پچھے نہیں

قید توں چھٹن لئی باندر بندیاں توں پچھے نہیں

وچار ڈیسک
July 9th, 2010

بندے دی تاریخ وچ قید توں نسن دے کئی انوکھے طریقے کئی واری نظراں چوں لنگھدے نیں پر حالیں باندراں دی انسانی قید توں چھٹن دی انوکھی واپری ہوئی ہے جیہنے سیانیاں نوں حیران کر دتا۔

برطانوی اخبار ڈیلی ٹیلی گراف دی اک رپورٹ موجب ایچی دے علاقے وچ بنی کیوٹو یونیورسٹی وچ اُچ پدھری کاہڈ کڈھن والے انسٹی ٹیوٹ وچ موجود باندراں وچوں پندراں نے رکھاں دی ٹہنیاں نوں لچکا کے آپنے آپ نوں ستاراں فٹ اُچے جنگلے دے اُتوں اُچھال دتا۔ باندراں نوں ایس جنگلے توں دور رکھن لئی ایہدے وچ بجلی وی چھڈی ہوئی سی تے جنگلا رکھاں توں کوئی دس فٹ دور کھلہاریا گیا سی۔

ات دی سیانپ وکھاؤندیاں ہوئیاں اک توں مگروں دوجا جنگلا ٹپن توں مگروں ایہہ باندر کاہڈو مرکز دے وچلے راہ دے کول اکٹھے ہو گئے تے ماہراں نے اوہناں نوں مونگ پھلیاں دا لابھ دے کے اک واری فیر قبضے وچ کر لیا۔

انسٹی ٹیوٹ دے اک وڈے عہدیدار ہیروہیسا ہیرائے نے ڈیلی ٹیلی گراف نوں دسیا پئی ایہہ نسن دا طریقہ حیران کرن والا سی تے ایہہ پہلی واری ہویا سی۔ اوہناں موجب سائنسداناں دا گویڑ ہے جو جنگل وچ موجود کوئی اسی باندراں دا آپو وچ کوئی جھیڑا سی جیہدے پاروں اوہناں وچوں کجھ نے ایتھوں نسن دا فیصلہ کیتا۔ تے نسن لئی جیہڑی سیانپ ورتی گئی اوہ ساریاں لئی حیران کرن والی سی۔

ایس واپری توں مگروں مرکز وچ جنگلے دے نیڑے رُکھ وڈھ دتے گئے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels