Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> دور تے نیڑے دی خراب نظر دا حل: الیکٹرانک عینک

دور تے نیڑے دی خراب نظر دا حل: الیکٹرانک عینک

وچار ڈیسک
June 22nd, 2010
5 / 5 (1 Votes)

نظر دی کمزوری لئی ساری دنیا وچ سب توں ودھ ورتی جان والی شے عینک ہے۔ کجھ لوکاں نوں پڑھن لئی تے کجھ نوں دور دیاں شیواں ویکھن لئی عینک دی لوڑ پیندی اے۔ ایہو جہے لوک وی گھٹ نہیں ہین جیہناں دی دور تے نیڑے دی دوویں نظراں کمزور ہوندیاں ہین۔ اوہ یاں تے دو دو عینکاں ورتدے نیں یاں فیر اک ایہو جہی جیہدے وچ دور تے نیڑے دے دوویں عدسے ہوندے ہین۔

گل ایتھے ای نہیں مُکدی، مسئلہ اوس ویلے بندا اے جدوں دور ، نیڑے تے وچکارلے تناں تھاواں نوں ویکھن وچ اوکھت ہوندی اے۔ وچکارلے فاصلے دی نظر دی کمزوری ویلے تے عمر دے نال نال ودھدی اے۔ ایہدا ایک اُپاء ہے پراگریسو لینز۔ ایہہ اچیچے عدسے دور تے نیڑے تیکر اچیچے نمبراں دے وچکار ہر وتھ تے صاف دیکھن دی سوکھت دیندے ہین پر ایہناں دا مسئلہ ایہہ ہے پئی ایہہ مہنگے بہت ہین کیوں جے ایہناں نوں ہر اک اکھ لئی اچیچا بناؤنا پیندا اے۔

ہن سیانیاں دا آکھنا ہے پئی ایہناں سارے سیاپیاں توں جان چھٹن دے دیہاڑے نیڑے ہین۔ اسی ورھے دے اخیر تے ایہو جہیاں الیکٹرانک عینکاں آ جان گیاں جیہڑیاں تہاڈی اکھ دی لوڑ موجب اپنے آپ نوں ٹھیک کر لیا کرن گیاں۔ آس ہے پئی ایہہ عینک ایس سال دے اخیر تک امریکا تے برطانیہ وچ وکنا شروع ہو جاوے گی۔

الیکٹرانک عینک برقی رو راہیں کم کردی ہے۔ ایہدے اچیچے عدسیاں وچوں بجلی دا چارج لنگھ سکدا ہے جیہڑا اوہنوں نمبر ٹھیک کرن وچ مدد دیندا ہے۔ ایہدے ہر عدسے دے وچکار اک مائع کرسٹل دی تہہ ہوندی اے۔ جدوں عینک ورتن والا کسے شے نوں ویکھدا اے تے مائع کرسٹل وچوں لنگھن والی بجلی نمبر سیٹ کر دیندی اے جیویں ڈاکٹر کمپیوٹر مشین دے ساہمنے بٹھا کے تہاڈی عینک دا نمبر کڈھ لیندا اے۔

عینک وچ اک اچیچا سینسر لایا گیا ہے جیہڑا اکھ دی پُتلی دے ہلن نوں ویکھ کے ایہہ جان لیندا ہے پئی اکھ دور دی شے نوں ویکھ رہی اے، نیڑے دی شے نوں یاں وچکارلی وتھ دی شے نوں تے اوہدے مطابق عدسے دا فوکس سیٹ کر دیندا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels