Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ویکھ پرائی چوپڑی نہ ترساویں جی

ویکھ پرائی چوپڑی نہ ترساویں جی

وچار ڈیسک
May 31st, 2010

اک کاہڈ نے ایہہ ثابت کیتا ہے پئی جے خوش رہنا ہووے تے دوجیاں دی آمدن ول نہ ویکھو، ایہدے موجب خاندان دے جیاں سنگیاں یاں کم دے سنگیاں دی آمدن نال مقابلہ تہانوں دکھی کر دیندا ہے۔

پیرس سکول آف اکنامکس ولوں کروائے گئے ایس سماجی سروے وچ یورپ دے 24 ملکاں دے کوئی 19 ہزار جیاں حصہ لیا۔

'اکنامکس جرنل ' وچ چھپن والے ایس سروے دی رپورٹ موجب سروے وچ رلتی عام طور تے غریب لوک اپنے حالات توں راضی نظر نہیں آئے۔ سروے دے حساب نال ایہہ گل کھولی گئی ہے پئی اک تہائی رلتی ایس حق وچ سن پئی دوجیاں دی آمدن نال مقابلہ کیتا جانا چاہیدا ہے۔

پر جیہڑے لوک انج کردے نیں اوہ اپنے حالات توں خوش نہیں ہین۔

رلتیاں دے جواباں نال ایہہ وی پتہ لگیا پئی اوہ لوک جیہڑے دوجیاں دے آمدن دے وسیلیاں تے حیاتی دے حالات نال مقابلے نوں اُچیچا جاندے نیں اوہ اپنے حالات تے حیاتی دے معیار توں خوش تے راضی نہ ہون پاروں ذہنی دبا دا شکار رہندے نیں۔
تے ایس معاملے وچ مرداں تے عورتاں دے خیالاں وچ کوئی پاڑ نہیں ہے۔

سروے وچ ایہہ وی کہیا گیا ہے پئی اپنے کم کرن والے سنگیاں دے مقابلے وچ اپنے سنگیاں دی آمدن نال کیتا جان والا مقابلہ بہتا پیڑ کردا ہے۔ گھٹ آمدن والے ملکاں وچ امیراں نال مقابلے دا رجحان بہتا ہے تے انج دے ملکاں وچ وی امیراں دے مقابلے وچ بہتے غریب اپنے حالات دا بہتی آمدن والیاں نال مقابلہ کردے نیں۔

گلاس ادھا ویہلا ہے

پر کاہڈواں دا خیال ہے اپنے سنگی کارکناں دی آمدن نال مقابلے نال بھلک نوں بہتا کماؤن دی سدھر ودھدی ہے۔ کاہڈ دی اُچیچی گل ایہو ہے پئی دوجیاں ول ویکھی جانا بہتا دکھ دیندا ہے جیہدے نال نہ برابری دا احساس ودھ جاندا ہے۔

لنکاسٹر یونیورسٹی وچ آرگنائزیشنل سائیکولوجی تے ہیلتھ دے اک ماہر پروفیسر کیری کوپر ایس سروے بارے کہندے نیں پئی پہلوں اسیں ایہہ ویکھنا ہووے گا پئی دوجیاں نال مقابلہ کرن والے کون لوک نیں '' کیہ ایہہ اوہ لوک نیں جیہڑے ہمیش گلاں ادھا ویہلا ویکھدے نیں تے ایہدے پاروں خوش نہیں رہندے یاں دوجیاں دی بہتی آمدن بہتا دکھی کر دیندی ہے ''۔

اوہناں ہور کہیا پئی سکول تے یونیورسٹی دے سنگیاں نال مقابلہ بہت نقصان دین والا احساس ہے۔ مثال دے طور تے جے تہاڈا کوئی سنگی جیہنوں تہادے جنے موقعے ملدے ہون تے تہاڈے توں بہتا کما رہیا ہے تے تسیں ایہہ سمجھن لگدے او پئی تہاڈے وچ کوئی خوبی گھٹ ہے۔

' میں لوکاں نوں کہنا چاہواں گا پئی اوہ کسے نال مقابلہ کرن دی تھاں اپنے آپ توں راضی رہنا سکھن تے ایہہ وچارن پئی ایہہ ضروری نہیں جو تہاڈے توں بہتی آمدن والے بہتے خوشحال وی نیں '۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels