Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چینی سرمایہ کاریاں خلاف پی پی پی، اے این پی تے پی ٹی آئی اک؟ایجنڈا کھل کے سامنے آرہیا جے؟

چینی سرمایہ کاریاں خلاف پی پی پی، اے این پی تے پی ٹی آئی اک؟ایجنڈا کھل کے سامنے آرہیا جے؟

وچار ڈیسک
January 27th, 2018

جیہڑے سوال چینی سرمایہ کاریاں بارے پاکستان وچ چکے جارہے نیں کیہہ انہاں وچوں ادھے سوال وی کدی امریکی، برطانوی سرمایہ کاریاں تے اسلحے دی ڈیلاں بارے چکے گئے؟ چینی سرمایہ کاریاں نوں نواں نو آبادیاتی بندوبست اوہ آکھ رہے نیں جیہڑے اج دے دن تیک نو آبادیاتی برکاتاں دے ڈھنڈورچی نیں۔ ڈان دی ہشیار خبر تھلے چھاپ رہے ہاں پئی ایہہ سمجھن لئی کافی کہ کس کس نوں چینی سرمایہ کاریاں توں ڈر ہے؟ ٹرمپی ایجنڈے دے بہوں پیر تے منہ کہ امریکیاں تے کھلے عام سی پیک تے اوہی کوڑ گل کیتی سی جیہڑی بھارت آکھدا ہے۔ پئی منگلا تے تربیلا کیونجے ورلڈ بینک بنا رہیا سی تاں جھیڑے والی تھاواں دی گل کسے نہ کیتی اتے امریکہ تے بھارت اوس نوں منیا۔ پر ہن سی پیک نوں جھیڑے والی تھاواں دی آڑاں وچ امریکیاں رگیدیا اتے بھارت دہرایا۔اج اپوزیشن پارٹیاں نوں ای سی سی تے وی اعتراض پیدا کیوں ہو رہے نیں؟ جے چینی سرمایہ کاریاں پاروں دتی چھوٹاں کوڑ نیں تاں فیر پہلی دتیاں گیاں چھوٹاں بارے رضا ربانی گل چھون پئی پتہ چلے کس کس باہرلیاں نوں کیہڑی کیہڑی چھوٹاں دتیاں سن تے اج وی دے رہے نیں؟قلین تھلوں اوہ سب نکل رہیا ہے جس بارے گل ہوندی رہی ہے۔کدی بلوچستان وچ کھیڈ رچایا جاندا ہے تے کدی سینیٹ وچ کھپ کہ ہن تساں آپ ڈان دی خبر پڑھ لو۔مقامی صنعتاں دی گل کرن والے ایہہ دسن انہاں پچھلے سالاں وچ سندھ تے خیبر پی کے وچ مقامی صنعتاں لئی کیہہ کیتا ہے؟ سب کجھ سامنے تے سوال وادھو پر ہن جواب وی آ رہے نیں۔
پاکستان وچ چینی کمپنی کنسٹرکشن انجینئرنگ لمیٹڈ نوں مشینری دی لیاون تے سیلز ٹیکس تے فیڈرل ایکسائز ڈیوٹی توں چھوٹ بارے سینیٹ وچ بحثاں ہوئیاں۔ سینیٹ ممبراں خبردار کیتا کہ اینج مقامی صنعتاں نوں گھاٹے ہون گے۔ پاک چین اقتصادی راہداری (سی پیک) پاروں کراچی توں پشور موٹر وے (سکھر، ملتان سیکشن) بناون لئی چینی حکومت دی کنسٹرکشن کمپنی نوں مشینری تے خام مال پاکستان لیاون تے سیلز ٹیکس تے فیڈرل ایکسائز ڈیوٹی توں چھوٹ ہے۔ توجہ دواؤ نوٹس تے سینیٹ دے چیئرمین رضا ربانی نے سوال چکیا کہ چینی کمپنی نوں چھوٹ کیوں ہے؟ پاکستان پیپلز پارٹی (پی پی پی) دے سینیٹر مرتضیٰ وہاب نے آکھیا کہ چھوٹاں دین لئی متھے طریقہ کار توں باہر جاکے کم کیتا گیا جے۔ انہاں نے حیرانیاں پاروں آکھیا کہ فیڈرل بورڈ آف ریونیو (ایف بی آر) کن بنیاداں تے چینی کمپنی نوں تقریباً 11 ارب ٹیکس تے ڈیوٹی توں چھوٹ دے سکدا ہے؟ عوامی نیشنل پارٹی (اے این پی) دے سینیٹر الیاس بلور نے دعویٰ کیتا کہ قنونی ریگولیٹری آرڈ (ایس آر او) دی اک سمری پاروں 37 فیصد کم پورا کرن دے بعد وں ڈیوٹی تے چُھوٹ دینا سمجھو باہر ہے۔ انہاں نے کھلم کھلا آکھیا کہ ایس دا مطلب ایہہ ہویا کہ حکومت نے دوجیاں چینی کمپنیاں لئی اپنے دروجے کھول دین تے آون والے ویلے وچ وی انہاں نوں نوازن دا پک کیتا ہویا جے۔ پاکستان تحریک انصاف (پی ٹی آئی) دے سینیٹر نعمان وزیر نے دسیا کہ منصوبے تے پہلاں 240 ارب لگنا سی بعد چوں مڑ ٹینڈر کیتا تے ایہہ ودھ کے 440 ارب تک جا پہنچیا پر فیر ایس نوں 296 ارب تک رکھیا گیا۔ نعمان وزیر نے سوال چکیا کہ جے حکومت دی ایہہ پالیسی ہے تے کیہ سی پیک توں جڑیاں ساریاں چینی کمپنیاں نوں ڈیوٹی تے ٹیکس دی مد وچ چھوٹ ملے گی؟ ایس آر او دے دفاع وچ خزانے دے وزیر رانا محمد افضل نے آکھیا کہ مواصلاتی وزارتاں نے اقتصادی رابطہ کمیٹی (ای سی سی) وچ سمری گھلی سی جتھے سمری تے بحثاں ہوئیاں تے منظوریاں دتیاں گیاں۔ ایس آر او ،مواصلاتی دفتردی اک سمری تے جاری کیتا گیا جس دی کابینہ دی اقتصادی رابطہ کمیٹی نے منظوریاں دتیاں۔ وزیر قنون نے دسیا کہ سانوں ایس آر او جاری کرن دا حکم دتا جو اسی پورا کیتا ۔ ایس بارے مواصلاتاں والے ہورگلاں دے سکدے نیں۔ اسی حوالے توں سینیٹ وچ اک نقطہ ایہہ وی بحثاں وچ آیا کہ جے حکومتِ پاکستان چینی کمپنی توں ایہہ ٹیکس لیندی تے کیہ پراجیکٹ دے قرضیاں وچ وی وادھاہونا سی؟ سینیٹ دے چیئرمین رضا ربانی نے اعتراض چکیا کہ سمری گھلنا قنون دے خلاف ہے، ای سی سی وفاقی کابینہ نہیں جو حکومت دی نمائندگیاں کرے۔ پلاننگ اینڈ ڈویلپمنٹ دے وزیر احسن اقبال نے ایس موقع تے جواب دتا کہ ایس حوالے نال سپریم کورٹ دے فیصلے تے عمل کیتاگیا۔ وفاقی وزیر نے دعویٰ کیتا کہ وفاقی کابینہ نے ای سی سی دے فیصلے دی تصدیقاں کردتیاں۔ احسن اقبال نے دسیا کہ جے ٹیکس لتا جاندا تے قرضہ وی ودھ جاندا۔انہاں منصوبیاں تے کم رعایتی بنیاداں تے ہورہیا ہے۔ ایس لئی قرضے پاروں ٹیکس حجم وچ وادھا کوئی سمجھ داری نہیں ہوئے گی۔ رضا ربانی نے گل ہور کھولدے آکھیا کہ عدالت دے فیصلے پاروں وزیراعظم اکلا وفاقی حکومت نہیں تے نہ ہی اوہ فیصلہ لین دی اکلی اتھارٹی ہے اتے فنانس توں جڑیاں گلاں وفاقی کابینہ دی ذمہ واری ہے۔ رضاربانی نے ای سی سی دے فیصلے نوں مسترد کردتا۔ سینیٹ چیئرمین نے معاملہ قائمہ کمیٹی برائے فنانس نوں خصوصی ہدایتاں دے نال دیندے ہوئے فروری دے پہلے سیشن وچ رپورٹ منگ لتی۔ وفاقی وزیر پلاننگ اینڈ ڈویلپمنٹ احسن اقبال نے سی پیک خصوصی کمیٹی دی رپورٹ تے تبصرہ کردے ہوئے آکھیا کہ چینی کمپنیاں نوں قنون خلاف چھوٹاں نہیں دتیاں گیاں۔ گل بات کردے ہوئے انہاں نے ایس بڑک نوں وی رد کیتا کہ پاکستان دے نال ایسٹ انڈیا کمپنی ورگی صورتحال دا سامنا ہون جارہیا ہے۔ انہاں دا کہنا سی کہ سی پیک منصوبے توں اقتصادی ترقیاں دے فیدے خیبر پختونخوا، بلوچستان تے سندھ دے دور دواڑ دی تھاواں تیک اپڑن گے تے نوجواناں لئی ملازمتاں دے نویں رستے کھلن گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels