Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> 9 کلو ہیروئن کیس: غیر ملکی مٹیار دی تفتیشاں کون کرے، 3 محکمے لڑ پئے۔ادارے تے گورنینس

9 کلو ہیروئن کیس: غیر ملکی مٹیار دی تفتیشاں کون کرے، 3 محکمے لڑ پئے۔ادارے تے گورنینس

وچار ڈیسک
January 13th, 2018

لہور ایئر پورٹ توں 9 کلو ہیروئن لے جان دی کوشش وچ گرفتار ہون والی چیک ریپبلک دی جواں سال تے خوبرو 21 سالہ ماڈل گرل پاکستان دے تِنوں وڈے اداریاں دے درمیان لڑائیاں پا دتیاں۔ اینٹی نارکوٹکس تے اے ایس ایف تفتیش لئی کُڑی نوں اپنی اپنی تحویلاں وچ رکھن لئی لگ گیاں جداں کہ محکمہ کسٹم چیک ریپبلک دی ماڈل نوں کسی صورت کسی دوجے محکمہ دے حوالے کرن نوں تیار نہیں۔ ایئرپورٹ تے اک دوجے دے خلاف سخت جملیاں دے بعد اک دوجے نوں خط لکھن دا سلسلہ جارہی ہے تے مٹیار پاروں مطالبے وادھو۔ میڈیا لکھیا ہے پئی محکمے دفتری کم دی تھاں کُڑی دے حصولاں لئی رجھے نیں۔ ایہو نہیں سگوں ایہہ وی لکھیا ہے پئی ایس حوالے توں تِنوں محکمیاں دے افسراں نے قنونی کتاباں دا مطالعہ وی شروع کردتا ہے۔ قنون دے مطابق کُڑی دی حوالگی اینٹی نارکوٹکس نوں ہونی چاہیدی ہے تے اینٹی نارکوٹکس ہی ایس توں تفتیش دا اختیار رکھدا ہے۔ پر اے ایس ایف تے کسٹم افسراں وی ایس حوالے توں قنون لبھن دا کم شروع کیتا جے ۔ پتہ چلیا ہے کہ چیک ریپبلک دی رہائشی مکھنی ماڈل ٹیریزا نوں 15 نومبر 2017 دے دن پاکستان دا ویزا جاری ہویا سی۔ ویزا دے استعمال دی اخیری تریخ 14 فروری 2018 ہے تے وزٹ ویزا سنگل انٹری دے نال 30 دناں لئی جاری کیتا گیا۔ 21 سالہ ٹیریزا دے متعلق معلوم ہویا ہے کہ ایہہ چیک ریپبلک دی ماڈل ہے تے ایس دا شمار چیک ریپبلک دی سوہنیاں ماڈلاں وچ ہوندا ہے۔ پاکستان آن دے بعد ٹیریزا لہور ایئرپورٹ توں ابوظہی جان لئی روانہ ہوئی تے ایئرپورٹ تے ایس وقت دلچسپ صورتحال پیدا ہوگئی جداں ٹیریزا دے بیگ توں 9 کلوہیروئن نکلی تے اے ایس ایف، اینٹی نار کوٹکس تے کسٹم اہلکاراں دے درمیان کُڑی نوں حراست وچ لین تے تلخ جملیاں دا تبادلہ شروع ہوگیا۔ تِنوں محکمیاں دے اہلکار کُڑی نوں تحویل وچ لین دی پوری کوششاں کردے رہے ۔ہورے انہاں ایان علی دی کہانیاں سنیاں ہون گیاں کہ نری پی پی پی تے زرداری مخالفتاں وچ میڈیا اوس بارے کیہہ کجھ نہیں لکھیا سی۔اج اوہی میڈیا زینب تے اتھرو بہا رہیا ہے۔ خبر وچ مزید دسیا ہے کہ اینٹی نارکوٹکس نے کُڑی دی فوری حوالگی دے حوالے توں کسٹم حکام نوں خط لکھیا ہے جس وچ آکھیا گیا ہے قنونی طور تے صرف اینٹی نارکوٹکس ہی منشیات لیجان والے ملزم دے خلاف کاروائی کرسکدی ہے۔ لہور ضلع کچہری وچ کڑوڑاں روپے مالیت دی ہیروئن بیرون ملک سمگل کرن دی کوشش کرن والی غیر ملکی خاتون مسافر تیریزا ہلسکووا نوں عدالت پیش کیتا گیا۔ کسٹم سپرٹنڈنٹ نے مٹیار دا سامان چیک کیتا تے بیگ دے خفیہ خانیاں وچ لکائی گئی 9 کلو ہیروئن برآمد کیتی سی۔ جوڈیشنل مجسٹریٹ ظفر فرید ہاشمی نے ساری دلیلاں سنن دے بعد ملزمہ تیریزا ہلسکووانوں 14 دن جوڈیشنل ریمانڈ تے جیل گھلن دا حکم جاری کردتا۔ کسٹم حکام نے عدالت نوں دسیا کہ کُڑی دا سامان چیک کرن تے کڑوڑاں روپے مالیت دی 9 کلو ہیروئن برآمد ہوئی جے۔ ایہہ کبر ساڈے اداریاں دی گورنین نوں سمجھن دا لشکارا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels