Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چین:ایل این جی دا دوجا وڈا عالمی گاہک۔ذراسوچو؟دنیا بدل رہی جے

چین:ایل این جی دا دوجا وڈا عالمی گاہک۔ذراسوچو؟دنیا بدل رہی جے

وچار ڈیسک
January 9th, 2018

چین دنیا دی سیاستاں تے اکانومیاں تے کیوں چھا رہیا ہے؟ایل این جی خلاف لابیاں کس دے اشاریاں تے چلدیاں نیں؟خبر پڑھو تے ذرا مڑ غور کرو پئی پاکستان وچ شیخ رشید اینڈ کمپنی کس دی خدمتاں کر رہے نیں۔ ایہہ خبر روسی میڈیا دے پردھان آر ٹی والیاں چھاپی جے اتے لنک وی تھلے دے رہے ہاں۔ جاپان توں بعدوں ہن چین عالمی پدر تے ایل این جی دا دوجا وڈا گاہک بن گیا ہے اتے سوچن دی گل ہے پئی چین ایل این جی ول کیوں گیا ہے اتے ایل این جی ویچن والے کیہڑے ملک نیں تے پاکستان لئی کیہہ سبق نیں۔ایس سال چین لیکوڈ نیچرل گیس دی خریداریاں وچ پورے50فیصدی وادھے کیتے نیں۔اک پاسے چین ایل این جی دی مارکیٹ نوں چک دتا ہے اتے دوجے پاسے ماحولیات دے حوالے نال کولیاں والی صنعتاں نوں تیزیاں نال ایل این جی پاروں بدل کے اپنا بوتھا ہور من موہنا کر رہیا ہے۔ کیونجے چین تھوڑی مدتاں دے کانٹریکٹ کر رہیا ہے تاں مارے ایل این جی ویچن والے ملک جنج آسٹریلیا، ملائیشیا اتے قطر ایل این جی دے پرانے وڈے گاہکاں یعنی جاپان تے جنوبی کوریا دی تھاں چین نال کارویہار ودھا رہے نیں۔جاپان ایس سال83.5ملین ٹن ایل این جی خرید کے پہلا وڈا عالمی گاہک ہے جداں کہ ایس سال جنوبی کوریا37ملین ٹن ایل این جی خریدی ہے اتے چین 38 ملین ٹن۔پر جے تساں جاندے ہو کہ چین نرا ہک سال پہلے 19ملین ٹن توں گھٹ ایل این جی خریدا سی تاں تہانوں ایس بدلدے بوتھے بارے پتہ چلے گا۔چین تاں مارے وی اگے ودھ رہیا ہے کیونجے اوہ ایل این جی مارکیٹ دے فیدے وچ سودے کر رہیا ہے۔چین دی ایس سرمایہ کاریاں نال عالمی پدر تے کیش مارکیٹ تے وی اثر وادھو۔توانائی دی عالمی ایجنسی دا اندازہ سی پئی ایل این جی دی مارکیٹ وچ 2020دے ادھ وچ تیزیاں آون گیاں پر چین دی سرمایہ کاریاں پاروں کم پہلے ہی بہوں تیز ہو گیا ہے۔ہن آئی ای اے والے وی من گئے نیں پئی چین پاروں مارکیٹ بہوں تیز جے۔دنیا دے ترے ملک سٹھ فیصدی ایل این جی دے وڈے گاہک نیں اتے دنیا دے ترے ملک سٹھ فیصدی ایل این جی ویچ رہے نیں۔ ہن ایس خبر پاروں غور کرو پئی نواز شریف قطر نال ایل این جی دا جیہڑا سودا ایل این جی مہنگی ہون توں پہلاں کیتا ہے اوس دا پاکستان نوں کڈا فیدہ ہوئے گا۔ ایہہ وی سوچو پئی ایل این جی نوں سیکورٹی رسک بنا کے کون رگید رہیا ہے؟ ایہہ کس دا مفاد ہے؟ قطر نوں کیوں ملک پاکستان وچ ذلیل کیتا گیا؟ ایجنڈے کوئی ہور نہیں، سب گلاں وچ تال میل ویکھیا جا سکدا ہے۔سی پیک تے چین نال جڑیاں سیاستاں پاروں مشرق ول الار ودھ رہیا ہے پر کجھ دھڑے ایہہ نہیں چاہندے۔
https://www.rt.com/business/415263-china-largest-lng-importer/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels