Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چابہار تے گوادر دی بندر گاواں اک مک نیں، مقابلے نہیں: سینئر ایرانی تجزیہ کار

چابہار تے گوادر دی بندر گاواں اک مک نیں، مقابلے نہیں: سینئر ایرانی تجزیہ کار

وچار ڈیسک
December 24th, 2017

چین، ایران تے پاکستان رل مل ایس خطے ولوں روڈ ٹو یورپ اتے روڈ ٹو مڈل ایسٹ اتے افریقہ ول لیجا سکدے نیں۔افغانستان وی ایس نوں ورت سکدا ہے کہ جے بھٹو، شاہ ایران تے داؤد خلاف عالمی تے مقامی مہماں نہ کیتیاں ہوندیاں تے اساں1980دے دہاکے وچ ایس پراجیکٹ ول ودھ جانا سی۔ اوس ویلے وی چا بہار تیک سڑک بنان دی گل ہوئی سی جس لئی رقم ایران دینی سی۔ چیتے رہے، ایہہ اوہی تجارتی شارٹ کٹ ہے جس بارے ہشیاربرٹش سفارتخار19ویں صدی دے دوجے ادھ وچ پلان بنا رہے سن۔چینی تے روسی اجہے ہشیار پلاناں بارے جاندے سن اتے تاں مارے ون روڈ ون بیلٹ چینیاں کھڑا کیتا ہے۔ایس خلاف مہماں اسارن والیاں نوں وی پتہ ہے پئی جے چین ایہہ سب کر لتا تے ترقی دا گھما ایشیا ول مڑ جا سی۔
سینئر ایرانی تجزیہ کار تے سفارتی امور دے ماہر نے ایران دی جنوبی بندر گاہ چابہار تے پاکستان دی گوادر بندر گاہ دے درمیان مقابلیاں نوں کوڑ آکھدے ہوئے آکھیا ہے کہ دونوں بندر گاواں ترقی تے خوشحالی دے حوالے توں اک دوجے لئی آسرانیں۔ انہاں خیالاں بارے جھات ایرانی محکمہ خارجہ وچ بین الاقوامی امور دے ریسرچ سنٹر دے پردھان تے سابق سفیر ہادی سلیمان ہوراں نے اسلام آباد وچ ایران، چین پاکستان دے درمیان تعاون بارے ہون والے اکٹھ وچ گل بات کردے ہوئے پائی۔ ایس موقع تے انہاں نے چابہار نوں پاکستانی بندرگاہ دی رقیب بندرگاہ پاروں ویکھن دے خیالاں نوں کوڑآکھدے ہوئے آکھیا کہ دونوں بندرگاواں رل مل ایس خطے تے انڈین سمندراں وچ وڈا فرق پاسکدیاں نیں۔ انہاں نے مزید آکھیا کہ چابہار بندر گاہ دی تعمیر تے ایس نوں فروغ دینا نرا افغانستان دی لوڑاں پاروں نہیں کہ ایہہ اک وڈے پلان دا نکا حصہ ہے۔ ساڈا ٹیچا ایہہ ہے پئی اساں عالمی تجارتی شعبے توں متعلق دوجی ایرانی بندرگاواں تے دبا نوں گھٹ کرسکاں گے۔ سینئر ایرانی تجزیہ کار نے آکھیا کہ پچھلے سالاں توں ایران دی دو اہم بندر گاواں، بندر عباس تے خمینی پورٹ تجارتی سرگرمیاں وچ بہوں دبا وچ سن۔تاں مارے ساڈے لئی ہور پورٹاں بنانا لوڑی دا سی۔ ہادی ہوراں آکھیا پئی ایران تے پاکستان دے درمیان تجارت تے توانائی دے شعبیاں وچ آپسی سانجھ دی لوڑ ہے تاں مارے اساں رل مل پاکستان ا تے چین نال مشترکہ راہداری منصوبے نوں اگے ودھائیے۔ ایران وی ایس عمل وچ رلن دی گل کر چکیا ہے۔ ایران توانائی دے شعبے وچ پردھان خزینیاں دا مالک ہے اتے ایس پاروں چین، ایران تے پاکستان دی سانجھ لوڑی دیہے۔ ہادی سلیمان پور نے مزید آکھیا کہ ایران، شاہراہ ریشم دی بحالی لئی چین دے نال وی تعاون ودھان لئی وی تیار ہے۔ انہاں نے آکھیا کہ چین، پاکستان تے ایران دے درمیان تجارتی سرگرمیاں نوں مزید اگے ودھان دی لوڑ جے۔ ایرانی ماہر نے ایس گل تے زور دتا کہ ایران، پاکستان تے چین نوں چاہیدا ہے پاک چین اقتصادی راہداری تے شمال جنوب دی اقتصادی راہداری توں متعلق سیکورٹی خدشیاں نوں دور کرن۔ انہاں نے علاقائی سطح تے ایران تے پاکستان دے درمیان سانگیاں بارے تسلیاں دیندے ہوئے آکھیا کہ دونوں ملک اقتصادی تعاون تنظیم ڈی ایٹ تے مختلف علاقائی تے عالمی اقتصادی اداریاں وچ رل مل ٹر رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels