Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> سی پیک دا لمیرا منصوبہ سٹارٹ: ٹرمپ ات گردیاں دا پریشر ایویں نہیں ودھا رہیا

سی پیک دا لمیرا منصوبہ سٹارٹ: ٹرمپ ات گردیاں دا پریشر ایویں نہیں ودھا رہیا

وچار ڈیسک
December 19th, 2017

چین مخالفاں دی گنتری، پاکستان وچ گھٹ نہیں۔مسئلہ چین دے ودھدے ہوئے اثر توں زیادہ ایہہ ہے پئی پاکستان دا امریکہ، برطانیہ تے سعودی عرب تے انحصار گھٹ رہیا ہے۔سی پیک نوں گھجل کرن لئی افغانستان ، ایران تے پاکستان دے رلویں باڈر دی اہمیتاں وادھو۔ٹرمپ اتے سعودی عرب ایران خلاف محاذ نوں گرم کرنا چاہندے نیں اتے پاکستان ایس توں بچ بچا کے سی پیک نوں کنج چلاندا ہے ایہو وڈا ٹیسٹ ہے۔
چین پاکستان اقتصادی راہداری (سی پیک) دے لمیرے منصوبے دا نیہہ پتھر تے رکھیا گیا سی پر ہن کم وچ تیزیاں وادھو،تاں مارے وائس آف امریکہایس خبر نوں ودھا کے چھاپیا ہے۔۔ وفاقی وزیر منصوبے بندی احسن اقبال نے پیر نوں اک اکٹھ نال گل بات کردے ہوئے آکھیا ایس لمیرے منصوبے دا مڈھلا ٹیچا پاکستانیاں دے معیار زندگی نوں بہتر بنانا ہے۔ انہاں نے آکھیا کہ ایس دا مقصد ایہہ ہے سی پیک منصوبے دے فیدے ملک دے سارے علاقیاں تے اوتھے وسن والے سارے طبقیاں تک اپڑن، تانجے کوئی پچھے نہ رہے۔ احسن اقبال نے آکھیا کہ سی پیک منصوبے دا اک حصہ کنیکٹیوٹی ہے جس پاروں ملک دے سارے حصیاں نوں سڑکاں دے جال راہیں معاشی مراکز نال جوڑنا ہے۔ انہاں نے آکھیا کہ لمیرے منصوبے پاروں ہن سی پیک راہیں پاکستان تے چین دے درمیان 2030 تک سٹریٹیجک تے معاشی شراکت داریاں چلن گیاں۔ احسن اقبال دا کہنا سی کہ ہن تک 27 ارب ڈالر دی سرمایہ کاری نوں حتمی شکلاں دتیاں جاچکیاں نیں۔ چین دے ون بلیٹ ون روڈ منصوبے دے تحت لگ بھگ 60 ارب ڈالر دی مالیت دا چین پاکستان اقتصادی راہداری منصوبہ 2030 تک پورا ہو سی۔ سی پیک منصوبے پاروں پاکستان دے چاراں صوبیاں وچ خصوصی صنعتی زون وی اسارے جان گے۔ پچھلے ہفتے ہی وفاقی وزیر احسن اقبال نے چین پاکستان اقتصادی راہداری توں متعلق پارلیمان دی کمیٹی نوں دسیا سی کہ سی پیک دے تحت تِن صوبیاں لئی مالی حکمت عملیاں تے نظر ثانیاں دا ایہہ مطلب نہیں کہ چین نے ایہہ منصوبے ڈک دتے نیں۔ سی پیک دے تحت چین دے شہر کاشغر توں پاکستان دے جنوب مغربی ساحلی شہر گوادر تک صنعتاں، بنیادی ڈھانچے تے مواصلات دا جال وچھایا جانا ہے۔پاکستان وچ ایس وقت لگ بھگ 20 ہزار چینی شہری سی پیک دے علاوہ چینی کمپنیاں دے دوجے منصوبیاں توں جڑے نیں تے توقع کیتی جارہی ہے کہ انہاں دی گنتری وچ بہوں وادھا ہوسکدا ہے۔ رواں مہینے اسلام آباد وچ چین دے سفارت خانے ولوں پاکستان وچ موجود چینی شہریاں نوں دہشت گرداں دے ممکنہ حملیاں توں متعلق خبردار کیتا گیا سی۔ چیتے رہے ایس سال جون وچ کوئٹہ توں دو چینی استاداں نوں اغوا دے بعد قتل کردتا گیا سی تے ایس دی ذمہ واری دہشت گرد تنظیم داعش نے قبول کیتی سی۔ پاکستانی حکومت ولوں پہلے ہی چین پاکستان اقتصادی راہداری منصوبے دے تحفظ لئی ہزاراں اہلکاراں تے مشتمل خصوصی فورس تشکیل دتی جاچکی ہے تے پاکستانی حکام ایہہ کہندے رہے نیں کہ ملک وچ چینی شہریاں دے تحفظ نوں یقینی بنان لئی ہور کم کر رہے ہاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels